Azərbaycan hakimiyyətinin vəhşiliklərinə beynəlxalq etirazlar səngimir

Ölkəmizin Polşadakı səfirliyinin qarşısında aksiya keçirilib

Srağagün Varşavada Azərbaycan səfirliyinin qarşısında ölkəmizin demokratik qüvvələrilə həmrəylik aksiyası keçirilib. Piketdə Polşa, Belarus, Ukrayna və gürcüstan demokratik ictimaiyyətinin nümayəndələri iştirak edib.

Bu barədə "Turan"ın Kiyevdəki xüsusi müxbiri Polşada yerləşən "Demokratik Azərbaycan" təşkilatının lideri Hicran Əliyevaya məlumat verib.

Aksiya iştirakçıları müraciət qəbul edib. Sənəddə Azərbaycanda parlament seçkilərinin nəticələrinin saxtakarlaşdırılmasına, müxalifətin 26 noyabr icazəli dinc mitinqinin amansızcasına dağıdılmasına etiraz bildirilir.

Yeni Müsavat qəzeti, 05 dekabr 2005-ci il