20 saylı Nərimanov ikinci seçki dairəsindən baş verən saxtakarlıqlar

Saat 18.00-dan sonra daxil olan məlumatlar

Polis zorakılığı

“Azadlıq” seçki blokunun 30 saylı Suraxanı dairəsi üzrə Vahid namizədi Vurğun Əyyubun seçki qərargahından aldığımız məlumata görə seçki vaxtının bitməsi ərəfəsində, saat 18-45 radələrində dairənin məktəb binasında yerləşən 11,12, və 13 saylı məntəqələrində və eyni zamanda 24, 25 ,26 ,27 saylı məntəqələrində “Azadlıq” seçki blokundan olan seçki komissiyasının üzvləri, məşvərətçi komissiya üzvləri və rəsmi müşahidəçilər polis işçiləri tərəfindən həmin məntəqələrin ərazisindən zorla uzaqlaşdırılmışlar. Beləliklə, blok nümayəndələrinin səslərin sayılması prosesində iştirakı qeyri mümkün olmuşdur. Məlumata görə məntəqələrin birində bundan bir az əvvəl Millət Vəkilliyinə namizəd Anar Məmmədxanlının xeyrinə seçki qutusuna 200-ə yaxın saxta bülleten atılması müşahidə edilmişdir. Son anda aldığımız məlumata görə, həmin dairənin 7 saylı məntəqəsində Anar Məmmədxanlının xeyrinə 100-ə yaxın saxta bülletenin seçki qutusuna atılmasının qarşısının alınması cəhdi ilə əlaqədar “Azadlıq” seçki bloku nümayəndələri və saxtakarlar arasında kəskin qarşıdurma yaranmışdı.

Saat 16.40-dan sonra daxil olan məlumatlar

- 30 saylı Suraxanı dairəsində hakimiyyət öz namizədinin uduzduğunu görüb “Azadlıq” blokunun namizədi Vurğun Əyyuba qarşı müxtəlif təxribatlara əl atıblar. V. Əyyubun verdiyi məlumata görə, o, müşahidə aparmaq üçün 285 saylı məktəbdə yerləşən 24, 25, 26, 27 saylı məntəqələrdə olub. Bu zaman 2 qadın əlində videokamera olan bir şəxslə birlikdə ona yaxınlaşıblar. Qadınlardan biri V. Əyyuba detyib ki, guya Qaraçuxur qəsəbəsində təbliğat apararkən ona verdiyi tapşırıqları yerinə yetirib. Halbuki, Qaraçuxur qəsəbəsinin V. Əyyubun namizədliyi irəli sürülən dairəyə heç bir aidiyyatı yoxdur. Dairədə külli miqdarda insanların adları seçici siyahılarına salınmayıb. Seçici vəsiqələri olan insanların isə guya adlarının seçici siyahılarında olmadığını bəhanə gətirərək səs verməsinə imkan verilmir. Bunun əksinə olaraq 285 saylı məktəbə qıraq yerlərdən çoxlu sayda insanlar gətirilir və onlar qanunsuz olaraq hakimiyyətin deputat seçdirmək istədiyi namizədə səs verirlər.
- 84 saylı Füzuli dairəsində də seçki saxtakarlıqları ilə bağlı özbaşınalıqlar kütləvi hal alıb. 3 saylı məntəqədə bələdiyyə işçiləri qutulara YAP namizədi Bahar Muradovanın xeyrinə saxta bülletenlər salınıb. 17 saylı məntəqədə səsvermə kabinəsində seçiciləri xüsusi adamlar müşahidə edirlər. 58 59 60 və 62 saylı məntəqələrdə də analoji hallar kütləvi xarakter alıb. 20 və 23 saylı məntəqələrdə açıq səs vermə prosesi gedir. 63 saylı məntəqəyə müxalifətdən olan komissiya üzvləri , namizədin məşvərətçi nümayəndələri və müşahidəçilər bir neçə saat məntəqəyə buraxılmayıblar. Yalnız ciddi səylərdən sonra buna nail olunub. Bu zaman müxalifətdən olan məntəqə katibi döyülüb və onun eynəyi sındırılıb. Bütün məntəqələrdə seçki qutularına kütləvi şəkildə saxta bülletenlər salınır. Və seçki prosesi rayon icra strukturlarının nəzarəti altındadır.

Kürdəmirdəki pozuntular

- 28 sayli Sovla kend sechki mentegesi.Bullutenler goturulen zaman Seçki komisiyasinin katibi Məmmədov Qulunun yerinə saxta imza atılıb.
- 4 saylı məntəqədə su idarəsinin müdiri muşahideçi adı ilə məntəgədə seçiciləri YAP namizədinə səs verməsi uçün təlimatlandırılır.
- 13 saylı Xırdapay məntəqəsində məntəgə daxilində kənar şəxslər Seçiciləri YAP namizədinə səs verməsi uçün təlimatlandırılırlar.
- Məntəqələrin hamısında barmaqların mürəkkəblənməsini yoxlayan aparatlar komissiyanin YAP-dan olan uzvlerinin əllərindədir.
- 5 və 6 saylı məntəgədə Exit- Polun nümayendeleri sesverme Kabinələrinin 5-6 metrliyindədir.
- 7 saylı məntəgədə seçıci Rüstəmov Ələkbər YAP-dan olan komisiya Üzvünə sürücülük vəsiqəsini göstərərək ikinci dəfə səs verib.
- 7 saylı məntəqənin giriş ve çıxış mövcud oldugu halda hərəkət birtərəflidir.
- YAP namizedi N.Qəribovun nümayəndəsi 3 saylı məntəgədə seçıcilərə kimə səs verməsi üçün açıq gösteriş verdiyi halda bunun qarşısını almaq üçün məntəqə sədri tərəfindən heç bir tədbir görülmür.
- 13 saylı mənətəqənin sədri Xələfov Rəşadət seçiciyə izah etmek adı Ilə onun yerinə bulletendə YAP namizədinə geydiyyat aparıb.Bir seçıciyə 2 dəfə səs vermək üçün şərait yaradılır.
- 6 saylı məntəqədə YAP-ın namizedi N. Qəribovun oglu onun lehine təbligat apardıgı üçün müşahidəçilərin təzyiqii ilə məntəqədən kənara çıxarılıb.
- 33 saylı məntəqə Icra hakimiyyətinin Qarasaqqalı kəndi üzrə nümayəndəsi Nadirov Qardaş əhaliyə şəxsiyyet vərəqələri paylayaraq onların YAP-ın namizədinə səs verməsi üçün təbligat aparır.
- 10,11,12 saylı məntəqələrdə səs verənlər məntəqədən çölə çıxarılmır. Pərdə arxasına bir neçə nəfər eyni zamanda buraxılır.
-14 saylı məntəqədə eyni zamanda 40 nəfər insan buraxılır. Seçkilərə müşahidə münkünsüzdür.
- 15 saylı məntəqədə müşahisdəçilərin muşahidəsi üçün şərait yaradılmayıb.
- 16 saylı məntəgədə kabinələrə bir neçə nəfər eyni vaxtda içəriyə buraxılır.
- 2 ,16 saylı məntəqə yaxınlıgında YAP namizədinin açıq təbligatı aparılır.
- Kürdəmir rayon xəstəxanasının baş həkimi Zahid Əhmədov 3 saylı məntəqəyə gələrək orada oturaraq seçki prosesinə müdaxilələr edir.
- Seçici fəallıgı az oldugu üçün əhalini seçkilərə gətirmək üçün maşınlar tutulur.
- 6 saylı məntəgədə seçki komisiyasının katibi seçicilere kimə səs vermək lazım olduğunu göstərir

Saat 12.00-dan etibarən 20 saylı Nərimanov ikinci seçki dairəsində baş verən qanun pozuntuları

 - 5 saylı məntəqənin qarşısında Adil Əliyevin qərargahından nümayəndəsi olan cavan oğlan duraraq gəlib-gedənlərdən kimə səs verəcəklərini soruşur. Jurnalist Sevinc Telmanqızı tərəfindən fotoşəkili çəkilərək fiksə olunub.
- 15 saylı məntəqənin qarşısında Adilin adamları seçiciləri A.Əliyevə səs verməyə məcbur edirlər.
1331 – 20 saylı məntəqənin qarşısında Adilin adamları seçiciləri A.Əliyevə səs verməyə məcbur edirlər.
- 22 saylı məntəqədə narıncı qalstuk taxmış, polis işçisi olan Adil Əliyevin Azər adlı müşahidəçisi Rəşad Nazimoğluna və “Bakı xəbərin” müxbiri Nəbiyə qarşı zorakılıq edib, hədə-qorxu gəlib. Mətəqədə təxribat şəraiti yaradıb. Şəkillər çəkilib.
- 4 saylı məntəqədə detektor işləmirdi.
- 2 saylı məntəqədə siyahıda adı olmayan bir qrup adamı Adil Əliyev adamları taksi tutuaraq başqa məntəqəyə səs verməyə apardılar, 10 GS-170 markalı maşın.
- 5 saylı məntəqədə məntəqə komissiyanın sədri və detektorun nəzarətçisi bir neçə dəfə Adil Əliyevin adını çəkərək seçiciləri ona səs verməyə çağırıb.
- 5 saylı məntəqənin qarşısına içərisi insanlarla dolu olan avtobus gətirilərək Adil Əliyevin adamları tərəfindən məntəqəyə səs verməyə aparıldı.

Saat 1000 –dan 1200-dək aşağıdakı hallar qeydə alınıb

- 6 saylı məntəqədə məntəqənin üzvü, komissiya sədrinin bacısı oğlu Elşad Səfərov detektorla jurnalist Nəbi Alışovu vurmaq istəyib.
- “Gənclik” metrosunun qarşısında Adil Əliyevin adı yazılmış kurtkalar geyinmiş adamlar maşınlara adamları yığıb məcburi səsverməyə aparırlar. Həmin şəxslər mülki geyimli polis işçiləridir.
- 22 saylı məntəqədə “Space” telekanalının müxbirinə qarşı kiobu\dluq edilib. ATƏT-in nümayəndəsi Pavvesiyə bu haqda məlumat verilib.
- 23 saylı məntəqənin qatşısında polis açıq-aşkar təbliğatla məşğul olur.
- 20 saylı məntəqədə bir kabinəyə 2-3 adam birdən daxil olurlar. Komissiya üzvləri qorxudan heç bir iş görmürlər.
- 16, 17 və 20 saylı məntəqələrdə isə mülki geyimli, idmançı görkəmli adamlar məntəqəyə kütləvi şəkildə seçici keçirirlər. Onlar da səs-küy yaradaraq nəzarətsizlik mühiti yaradırlar.

Saat 14.00-dan sonra daxil olan məlumatlar

- 30 saylı Suraxanı birinci seçki dairəsindən daxil olan məlumatlarda bildirilir ki, bütün məntəqələr idarə müdirləri, icra nüməyəndələrinin nəzarəti altındadır. Müxalifətdən olan müşahidəçilərə seçkiləri müşahidə etməyə imkan vermirlər. Etiraz etdikdə isə polislərin zorakılıqları ilə üzləşirlər. Elə məntəqələr var ki, orada mürəkkəb seçicilərin baş barmaqlarına deyil, əllərinin müəyyən hissələrinə vurulur. Bu isə dairədə karusel əməliyyatının həyata keçirilməsinə şərait yaradır.
- 41 saylı Sumqayıt birinci dairədən “Azadlıq” blokunun vahid namizədi İkram İsrafilovun seçki qərargahından daxil olan məlumata görə məntəqələrdə saxtakarlıq halları məktəb direktorlarının vasitəsilə həyata keçirilir. 2 , 1 , 10 saylı məktəblərin direktorları valideynlərə təsir göstərərək onları keçmiş AXCP üzvü Arzu Musayevə səs verməyə çağırırlar. Bu qanunsuzluqlarla bağlı akt tərtib olunaraq ATƏT müşahidəçilərinə təqdim edilib.

- 7 saylı məntəqədə müşahidəçiyə şəxsiyyət vəsiqələrinin yoxlanmasına icazə verilməyib.
- 1 saylı məntəqənin qarşısında (əksər məntəqələrdə) Adil Əliyevin adamları durub səsverməyə gələnlərlə “kimə səs verəcəkləri” barədə sorğu keçirirlər.
- 29 saylı məntəqənin qarşısında Adil Əliyevin adamları durub səsverməyə gələnlərlə “kimə səs verəcəkləri” barədə sorğu keçirərək onlara təsir edirlər. Polisə, komissiyaya bu haqda məlumat verilib, amma heç bir tədbir görmürlər.
- 1 və 2 saylı məntəqənin qarşısında Adil Əliyevin adamları, polis və JEK işçiləri durub səsverməyə gələnlərə “Adilə səs verin, yoxsa sizə pis olacaq” deyə təsir edirlər.
- 16 və 17 saylı məntəqənin qarşısında Adil Əliyevin adamları (əllərində Adilin şəkili), polis və JEK işçiləri durub səsverməyə gələnlərə “Adilə səs verin, yoxsa sizə pis olacaq” deyə təsir edirlər.
- 23 saylı məntəqənin qarşısında sahə müvəkkili və JEK-in müdiri durub səsverməyə gələnlərə “Adilə səs verin, yoxsa sizə pis olacaq” deyə təsir edirlər, onların sənədlərin alıb baxırlar.
- 20 və 26 saylı məntəqənin qarşısında Adil Əliyevin adamları durub seçicilərə İsa Qəmbərə səs verməyə imkan vermirlər.
- 5 saylı məntəqənin qarşısında mülki geyimli polislər və idmançılar adamları məntəqəyə buraxmırlar.
- 8 saylı məntəqənin qapısinda duraraq Adil Əliyevin adamı durub İsa Qəmbərə səs verəcək seçiciləri məntəqəyə buraxmır.
- 17 saylı məntəqədə Adil Əliyevin müşahidəçisi A. Əliyevin şəklini boynuna asıb. Bir neçə seçici də A. Əliyevin şəkli olan kurtkalar geyinərək məntəqənin içərisində təbliğat aparır.
- 27 saylı məntəqənin qarşısında JEK işçiləri yığışaraq Adil Əliyev xeyrinə təbliğat aparırlar.
- 10 saylı məntəqədə məntəqə sədri seçiciləri Adil Əliyevə səs verməyə, bülletendə onun adını qeyd etməyi bildirir.
- 17 saylı məntəqədə Adil Əliyevin müşahidəçisinin A. Əliyevin şəklini boynuna asması, A. Əliyevin şəkli olan kurtkaların geyinilməsi ilə əlaqədar akt tərtib etməyə məntəqə sədri imkan vermir.
- 15 saylı məntəqədə İcra Hakimiyyətinin nümayəndəsi səhər saat 9.00-dan məntəqəyə gələrək seçiciləri Adil Əliyevə səs verməyə məcbur edir. Hətta A. Əliyev tərəfindən seçici özü ona yardım edilmək təklif olunduğunu bildirib.
- 3 saylı məntəqədə həmin ərazidəki JEK-in müdiri seçicilərin qolundan tutub Adil Əliyevə səs verməyə məcbur edir.
- 23 saylı məntəqənin qarşısında sahə müvəkkili və JEK-in müdiri durub səsverməyə gələnlərə “Adilə səs verin, yoxsa sizə pis olacaq” deyə təsir edirlər, onların sənədlərin alıb baxırlar.

Bu saata olan məlumata görə sözügedən dairədə 3662 nəfər seçici səs verib.

- 33 saylı Xətai birinci seçki dairəsindən “Azadlıq” seçki blokunun vahid namizədi Qabil Hüseynlinin seçki qərargahının rəhbəri Vidadi Hüseynovun verdiyi məlumata görə, bir sıra məntəqələrdə artıq qanun pozuntuları aşkarlanıb. 4 saylı məntəqədə bir neçə seçicinin təkrar səsvermə faktı müşahidə olunub. 12 saylı məntəqədə isə müəllimlər qeydiyyatda olduqları məntəqələrdə deyil, məhz işlədikləri məktəbdə yerləşən seçki məntəqəsində səs veriblər. Bundan başqa həmin dairədən namizədliyi irəli sürülmüş Hüseynbala Mirələmovun adamları tərəfindən bir sıra məntəqələrdə kameralar quraşdırılıb. Saat 12-yə yaxın sözügedən seçki qərargahının səyi nəticəsində bu qanunsuzluğa son qoyulub.
- 86 saylı İsmayıllı seçki dairəsindən “Azadlıq” blokunun vahid namizədi Mehman Cavadoğlunun seçki qərargahından daxil olan məlumatda rayonda seçki fəallığının yüksək olduğu bildirilir. Məlumatda saxtakarlıqla bağlı faktlar bunlardır:
1) Talıstan kənd məktəbinin direktoru və Bican kənd icra nümayəndəsi Raqub Məmmədov məntəqələrdə əyləşərək birbaşa seçicilərə təzyiq göstərir, onları Novruzəli Aslanova səs verməyə məcbur edirlər.
2) Son məlumata görə Talıstan kəndində seçki prosesinə artıq rayon icra strukturlarında çalışan məmurlar da fəal surətdə cəlb olunublar. Verilən məlumata görə, saxta xəstəlik kağızı olan 72 nəfər seçici üçün seçki qutuları naməlum istiqamətə aparılıb.
- 71 saylı Masallı Kənd dairəsində də saxtakarlıqlara başlanılıb. Həmin dairədən “Azadlıq” blokunun vahid namizədi Gülağa Aslanlının seçki qərargahından daxil olan məlumata görə 11, 12, 13, 19, 20, 21 və 22 saylı məntəqələrdə seçki prosesləri ərazi icra nümayəndələrinin tam nəzarəti altında aparılır. Burada seçicilərə Elmira Axundovaya səs vermək üçün təzyiqlər edilir. Bundan əlavə seçicilərə məntəqələr qarşısında pul paylanması hallarına da təsadüf edilib.
- 19 saylı Nərimanov seçki dairəsindən daxil olan məlumatlarda bildirilir ki, 1, 2, 5, 6 saylı məntəqələrdə qanun pozuntuları aşkarlanıb. 66 saylı məktəbin direktoru Məhbubə müşahidəçilərə normal fəaliyyət göstərməyə imkan vermir, Məntəqədə YAP nümayəndələri açıq-aşkar təbliğat apararaq insanları Əli Əhmədova səs verməyə təhrik edirlər. 2 saylı məntəqədə bağça müdirəsi seçicilərə çay verərək onları YAP-ın namizədinə səs verməyə çağırır. 5-6 məntəqələrdə seçki qutularına çoxlu sayda möhürsüz bülletenlər salınıb.
- 38 saylı (Gəncə) Nizami ikinci dairədən “Azadlıq” blokunun vahid namizədi Cahangir Əmirxanlının seçki qərargahından daxil olan məlumata görə sözügedən dairədə total saxtakarlıq halları baş verməkdədir. 15, 23, 24 saylı məntəqələrdə müşahidəçilərə öz missiyalarını həyata keçirməyə imkan verilmir. Dairədə icra strukturları deputatlığa namizəd Ruslan Qurbanovun “qələbə”sini təmin etməyə çalışırlar. 14 saylı məktəbdə yerləşən məntəqədə Evlər İdarəsinin rəisi İfadə Avşarova adamları avtobuslara yığaraq Ruslana səs vermək üçün məntəqələrə apartdırır. 4 saylı məntəqənin komissiya sədri Ziyafət Həsənova istədiyi adamlara bülletenlər verərək onların qanunsuz olaraq səs verməsinə şərait yaradır. Onun nəzarətində olan xüsusi qoçu dəstələri seçicilərin barmaqlarına mürəkkəb vurulmasına icazə vermirlər. Bundan əlavə qutulara çoxlu sayda saxta bülletenlər salınır. 9 saylı məntəqədə bülletenlər sayılmayıb. Bülletenlərin sayılmasına isə imkan verilmir. Bülletenlərin nömrələrində ardıcıllıq prinsipi pozulub. 16 saylı məntəqədə müxalifətə yaxın olan insanlara səs verməyə imkan verilmir. Onlardan çoxlarının adları seçici siyahılarına salınmayıb.

Müsavat mətbuat xidməti, 06.11.2005