Müsavat başqanı İsa Qəmbər partiya qərargahında Böyük Britaniyanın səfiri Laurens Bristou ilə görüşüb

Bu gün Müsavat Partiyasının başqanı İsa Qəmbər partiya qərargahında Böyük Britaniyanın ölkəmizdəki fövqəladə və səlahiyyətli səfiri Laurens Bristou ilə görüşüb. Görüşdə ölkədəki mövcud ictimai-siyasi durum, seçkilərin nəticələri və beynəlxalq təşkilatların seçkilərlə bağlı mövqeyi, demokratiya və insan haqları sahəsindəki vəziyyət, habelə vətəndaşların sərbəst toplaşma azadlığı ilə bağlı problemlər müzakirə edilib.
Görüşdə Müsavat Partiyası başqanının müavini Sülhəddin Əkbər iştirak edib.

Müsavat başqanı İsa Qəmbər Polşanın “Wyborcza” qəzetinin müxbirinə geniş müsahibə verib

Bu gün Müsavat Partiyasının başqanı İsa Qəmbər Polşanın “Wyborcza” qəzetinin müxbiri Vitold Hebanovskiyə geniş müsahibə verib. Müsahibədə İ.Qəmbər seçkidən sonra ölkədəki mövcud durum, “Azadlıq” blokunun seçkilərdəki qələbəsinin reallaşmamasının subyektiv və obyektiv səbəbləri və müxalifətin bundan sonrakı mübarizəsinin əsas prioritetləri, beynəlxalq aləmin seçkidən əvvəl və sonra tutduğu mövqe, habelə demokratiya, söz və insan haqları sahəsindəki vəziyyətlə bağlı çoxsaylı suallara cavab verib.

Müsavat Partiyasının mətbuat xidməti, 15 dekabr 2005-ci il