Kişilik və erkəklik arasında fərqi görməyənlər

Bu siyahıda təkcə Sahil Kərimli və onun iş yoldaşları deyil, cinayəti ört-basdır edənlər də var

Son iki həftə ərzində Siyasi-əxlaqi müstəvidə ən yaddaqalan hadisələrdən biri şübhəsiz ki, "Lider" TV-nin bir qrup əməkdaşının iyrənc zorlama faktında iştirakının aşkarlanması oldu. Məlum oldu ki, 2003-cü il seçkiləri zamanı bir-iki sillə-təpikdən ötrü şivən qoparan və bunun əvəzində 3 otaqlı mənzil və avtomobil alan Sahil Kərimli başqalarına, xüsusən də zəif cinsin nümayəndələrinə qarşı əlindən gələn zorakılıqları edənlərdən biriymiş.

Onun zorladığı qızın anası Mehriban Əliyevaya ünvanladığı məktubda Sahil Kərimlini "oğraş" adlandırmışdı. Daha doğrusu, onu öz adıyla çağırmışdı. İlham Əliyevin himayə etdiyi bu qulbeçə öz iş yoldaşları və başqaları ilə birlikdə yeniyetmə qızı oğurlayaraq öz erkəklik ehtiyaclarını təmin edib və sonra da cinayətini ört-basdır etmək üçün öz prezidentinin və onun komandasının himayəsindən gen-bol yararlanıb. Amma tezi-geci var. Günlərin birində kişiliklə erkəklik arasında fərq görməyən bu erkəklər mütləq həbs olunacaq.

Uzun-uzadı izahata yəqin ki, ehtiyac yoxdur. İki həftə ərzində oxucular "Lider" TV-nin bir qrup erkəyinin törətdiyi vəhşiliklər barədə təfərrüatlarla tanış olublar. Prezident seçkisindən əvvəl müxalifət mətbuatında dəfələrlə yazılmışdı ki, əgər İlham prezident olsa, onun pozğun dəstəsi çəkinmədən insanların namusuna təcavüz edəcək. Bu da fakt!

Artıq bu iyrənc cinayətin ört-basdır edilməsi istiqamətində geniş kampaniya başlanıb. Məlum olduğu kimi, Əzizbəyov rayon prokurorluğu Sahil Kərimlinin və "Lider"-in bir qrup işçisinin kənarda saxlanması üçün bütün cinayətlərə əl atıblar. Amma cinayət işi Respublika Prokurorluğunun Ağır Cinayətlərə Dair İşlər üzrə İstintaq İdarəsinə ötürülüb. Burada yalnız bir məntiq var: Sahil Kərimlinin cinayətinin daha etibarlı üsullarla ört-basdır edilməsi.

Cinayət hərəkətləri Bakının müxtəlif ərazilərində baş verdiyinə görə, əslində bu cinayət işini Bakı Şəhər Prokurorluğu aparmalıydı. Amma Bakı şəhər prokuroru Ədalət Mirsalamlı "narahat" adam hesab olunduğuna görə, ona etibar etməyiblər.

Azadlıq jurnalı, № 5, 01.08.2005