Samvel Babayan: "İlham Əliyev mənimlə görüşmək istəyir"

İlham Parisdə erməni silahlı birləşmələrinin komandiri ilə nəyi müzakirə edib
O, azərbaycanlı qadınları və uşaqları qanına qəltan edən erməniyə öz köməyini təklif edib

Əliyevlər ailəsinin ermənilərlə sıx əməkdaşlığı barədə çox faktlar var. Artıq bu mövzuda hər hansı fakt adamları təəccübləndirmir. Bu ailənin ermənilərlə qohumluq əlaqələri barədə də söhbətlər dolaşır. Ümumiyyətlə, Azərbaycan hakimiyyətində arvadı erməni olanların daha böyük nüfuz sahibi olduqlarını nəzərə alsaq, Əliyevlərin ermənilərlə satqın və xəyanətkar danışıqlara getməsini normal saymaq lazımdır. Bununla belə, ortaya çıxan faktları da diqqətdən kənarda buraxmaq olmaz. Bu faktlar gələcəkdə tarix kimi öyrəniləcək.

Müəllifi Tom de Vaal olan "Qara bağ" adlı kitabdan bəzi məqamarı gözdən keçirməklə İlham Əliyevin hələ atasının yerinə gəlməmişdən əvvəl ermənilərə qulluq etdiyinə əmin ola bilərsiniz. Bu adam satqıncasına Dağlıq Qarabağ müharibəsində azərbaycanlılara qarşı dağıdıcılığa başçılıq etmiş Samvel Babayanla Parisdə görüşüb Dağlıq Qarabağın Azərbaycanla gizli ticarət əlaqələri və bu erməninin Qarabağda hakimiyyəti gətirilməsi məsələlərini müzakirə edib. Əgər Babayan Arkadi Qukasyana qarşı sui-qəsddə ittiham edilərək həbs edilməsəydi, yəqin ki, İlhamın satqınlığı sayəsində bu saziş həyata keçiriləcəkdi.

Kitabdan bəzi çıxarışları gözdən keçirək:

"Samvel Babayan nazik bığları olan və mürəkkəb sifət ifadələrinə malik orta boylu adamdır. Dağlıq Qarabağ ermənilərinin silahlı birləşmələrinin sabiq komandiri olmuş bu şəxsi sui-qəsdə cəhddə və dövlətə xəyanətdə ittiham ediblər.

1994-cü ildə Azərbaycanla atəşkəs haqqında saziş imzalanandan 5 il sonra Samvel Babayanı Milli Qəhrəman elan edəndə onun heç 30 yaşı yox idi. Eyni zamanda, həm müdafiə naziri, həm də tanınmamış "Dağlıq Qarabağ Respublikası"nın ali baş komandanı vəzifələrini tutan Babayan faktiki olaraq bu ərazinin yiyəsi olub.

1999-cu ildə isə hakimiyyətin başqa nümayəndələri ilə onun arasında hakimiyyət uğrunda sərt mübarizə başlanıb və bunun ardınca onu bütün vəzifələrdən məhrum ediblər. 3 aydan sonra - 2000-ci ilin martında Dağlıq Qarabağın rəhbəri seçilmiş Arkadi Qukasyan gecə evə qayıdarkən şəhərin mərkəzində iki naməlum adam tərəfindən onun "Mersedes" markalı avtomobili atəşə məruz qalıb və o, ayağından yara alıb. Dərhal Babayanı və onun adamlarını həbs edərək onu Qukasyanı öldürərək hakimiyyəti ələ keçirmək cəhdində ittiham ediblər. Amma Babayanın vəkili Iudnks Şakaryan bildirib ki, onun müştərisindən etirafları zorla alıblar...

həbs zamanı onun əmlakını müsadirə ediblər və bu əmlakın sırasında 8 ədəd xarici markalı avtomobil, o cümlədən "Mersedes", "BMW", "Lend Rover" və başqa maşınlar, 5 mənzil, təxminən 40 min dollar dəyərində daş-qaş və 60 min dollar nağd pul olub...

Babayan və onun ailəsi müharibə vaxtı və müharibədən sonra yaxşı pullar qazanıblar. Müharibə vaxtı var-dövlət Azərbaycanın işğal edilmiş ərazilərindən axıb gəlib. Bu ərazilərdən gətirilən əmlak əsasən, İrana daşınaraq orada satılıb. Soyğunçular heç nəyi gözdən qoymayıblar - metal qırıntıları, zavod avadanlıqları, tavan örtükləri və daha nələr...

Mənim erməni tanışlarımdan biri danışırdı ki, bir dəfə o, viran edilmiş Ağdam şəhəri ilə gəzərkən Fellininin filmləri üçün layiqli bir səhnənin şahidi olub: Ermənilər İrandan gəlmiş yük maşınlarını qızılgül ləçəkləri ilə yükləyirlərmiş. O deyirdi ki, bu güllər Ağdamda minlərlə gül kollarından yığılıb və İrana aparılaraq satılır. Orada iranlılar bu güllərdən mürəbbə bişirirlər.

Müharibədən sonra isə Babayan "Yupiter" adlı firma açaraq Dağlıq Qarabağın bütün imkanlarından öz məqsədləri üçün istifadə edib. "Babayanın icazəsi olmadan bir köşk açmaq və ya məktəbdə müəllim işinə düzəlmək mümkün deyildi", - deyə yerli sakinlərdən biri mənimlə söhbətində gileyələnirdi".

Kitabdan götürülmüş bu çıxarışlar Babayanın Azərbaycanla müharibədən necə qazanc əldə etdiyini göstərir. Amma onun gözü bununla doymayıb və Azərbaycanla əlaqələr quraraq əlavə pullar qazanmaq niyyətinə düşüb: "O həmçinin Azərbaycanla da razılığa gəlmək istəyirdi. O başa düşürdü ki, şərq qonşusu ilə ticarət əlaqələri olmadan iqtisadi inkişafa nail olmaq çətin məsələdir. "Biz Azərbaycan bazarında maraqlıyıq", - deyə o əvvəllər mənimlə söhbətində bildirib".

Babayanın bu cəhdləri İlham Əliyevin də diqqətini çəkib. S.Babayan özü etiraf edib ki, Azərbaycan prezidentinin oğlu və varisi İlham Əliyev Parisdə onunla görüşmək istəyir. Amma Babayan bu fikri dilə gətirərkən onu da əlavə edib ki, o hələlik İlhamla görüşə razılıq verməyib. Ehtimal olunur ki, Babayan Parisdə həqiqətən də İlhamla görüşüb və hansısa razılaşma da əldə edilib. hətta İlham Əliyevin Babayana Dağlıq Qarabağda hakimiyyəti ələ almaq üçün lazım olan bütün köməklikləri vəd etdiyi ehtimal edilir. Amma bundan cəmi 3 həftə sonra artıq Babayan həbs edildiyinə görə planlar baş tutmayıb.

Beləcə, İlham Əliyev Azərbaycanın qadınlarını, uşaqlarını qanına qəltan edib özünə sərvət toplayan birisi ilə Parisdə görüşərək ona öz köməyini təklif edib. Babayana edilən hər hansı kömək isə təbii ki, azərbaycanlıların qanı bahasına başa gələ bilərdi.

Bundan əlavə, İlhamın Babayanla əlaqələri onun yalnız üzə çıxmış cinayətlərindən biridir. Allah bilir onun ermənilərlə neçə belə görüşləri və satqın sazişləri olub. Məsələnin ən dəhşətli məqamı isə odur ki, Babayanla görüş təşəbbüsü məhz İlham Əliyevdən gəlib. Kim nə deyər onda olan qeyrətə!..

Azadlıq jurnalı, № 7, 15.08.2005