Bu gün Müsavat partiyasının Divanının növbəti iclası keçirilib

İclasda 2006-cı il üçün partiyanın fəaliyyət istiqamətləri müzakirə edilib. Sonra dizel yanacağının qiymətinin artırılması ilə əlaqədar olaraq partiyanın bəyanatı qəbul olunub.

Daha sonra partiyanin keçmiş üzvü Aynur Quliyevanın Binəqədi rayon məhkəməsi tərəfindən partiya sıralarına bərpa olunması ilə bağlı yaranmış vəziyyət müzakirə olunub. A.Quliyevanın iştirakı ilə keçirilən müzakirələrdən sonra Divan problemin hərtərəfli araşdırılmasının MNTK-ya tövsiyə olunması ilə bağlı qərar qəbul edib.

Axırda cari məsələlərə baxılıb.

ƏHALİNİN GENİŞ İSTİFADƏ ETDİYİ ENERJİ DAŞIYICILARININ QİYMƏTLƏRİNİN BAHALAŞMASI İLƏ BAĞLI
MÜSAVAT PARTİYASININ BƏYANATI

Parlament seçkilərinin növbəti dəfə nəticələrini biabırcasına saxtalaşdıraraq Azərbaycan xalqının iradəsini növbəti dəfə zorlayan hökumət yeni ilin elə ilk günlərində daha bir səbatsız addımı ilə ölkə əhalisnə qarşı sayğısızlıq göstərdi: əhalinin məişətdə, habelə istehsal və xidmət proseslərində daha geniş istifadə etdiyi neft məhsullarının – dizel yanacağı, ağ neft və soba yanacağının – qiymətlərini birdən-birə 2 dəfə artırpdı. Hökumət bu qərarını beynəlxalq maliyyə qurumlarının tövsiyəsi kimi və enerci sektorunda dolayı subsidiyalaşmanın aradan qaldırılmasına yönəldildiyini bildirir.

Beynəlxalq təşkilatlar Azərbaycanın yanacaq-enerci sektorundakı çox böyük məbləğlərdə dolayısı subçidiyalaşmanı ölkə iqtisadiyyatı üçün dağıdıcı nəticələrini nəzərə alaraq, bu sektorda struktur islahatlarının aparılmasını və maliyyə axınlarının şəffaflığının artırılmasını, yalnız bundan sonra yanacağın real qiymətlərinin müəyyən edilməsini tövsiyə edirlər. Hökumət isə zaman-zaman neft məhsullarının qiymətlərini qaldırmaqla, guya problemin həllinə çalışması təsəvvürü formalaşdırır, digər tərəfdən isə bu cür məntiqsiz addımlarının beynəlxalq təşkilatların tələbi kimi izah etməklə əhalinin haqlı narazılığını onlara qarşı yönəltməyə çalışır. Bu, bir daha göstərir ki, hökumət yanacaq-enerci sektorunda əhalinin mənafeyinə uyğun struktur islahatlarının həyata keçirilməsində və bu sektorda maliyyə şəffaflığının artırılmasında maraqlı deyil.

Əslində hökumətin «islahat» kimi təqdim etdiyi bu addımın arxasında daha ciddi məqamlar durur: bu qərar nəticəsində iqtisadiyyətın bütün sahələrində qiymətlərin sürətlə qalxacağı, bunun xüsusilə nəqliyyat daşımalarının və kənd təsərrüfatı məhsullarının qiymətində kəskin şəkildə əks olunacağı və bununlu da ölkə əhalisinin 80 faizindən çoxunun onsuz da ağır olan sosial durumunu daha da gərginləşdirəcəyini hökumət nümayəndələri də bilməmiş deyil. Lakin hökumət parlament seçkiləri dövründə ayrı-ayrı sosial qrupların əmək haqqlarının, pensiya, təqaüd və müavinətlərin artırılması ilə əlaqədar verdiyi vədləri yerinə yetirmək üçün büdcədə lazım olan əlavə vəsaitləri elə əhalinin öz cibindən çıxartmaq istəyir. Digər tərəfdən, bu qərar ölkədə siyasi və iqtisadi hakimiyyəti bütünlüklə öz əllərində toplamış olan oliqarxlar arasında iqtisadi fəaliyyət sahələrinin və nəzarət dairələrinin yenidən bölgüsü istiqamətində son iki ildə daha da güclənmiş mübarizəsinin daha bir təzahürüdür.

Azərbaycanın neft ölkəsi olmasına rəğmən və əhalinin artıq böyük məbləğlərdə ölkənin xəzinəsinə daxil olan neft gəlirlərindən faydalanacaqlarını düşündükləri bir zamanda hökumətin əhalinin həyat səviyyəsinin ağırlaşdırılmasına yönəlmiş bu addımını Müsavat Partiyası qətiyyətlə pisləyir və hesab edir ki, hökumət yanacaq-enerci sektorunda islahatların ciddi bir strategiyasını hazırlamalı, bunu xalqa bəyan etməli və düşünülmüş islahatlar həyata keçirməlidir. İslahatların əsas istiqaməti bu sektorda şəffaflığın artırılmasına yönəldilməlidir. Bu zaman islahatların əsas ağırlığının əhalinin üzərinə düşməsi hər bir halda yolverilməzdir. Belə islahatlar zamanı əhalinin ayrı-ayrı təbəqələri əvvəlcədən müvafiq kompensasiyaları almalıdır.

Hökumətin son qərarının təsiri ilə qiymətlərin qalxması nəticəsində ölkədə yoxsulluğun səviyyəsinin daha yüksələcəyi qaçılmazdır. Həmin qərar kənd təsərrüfatı istehsalçılarına və ölkədə kənd təsərrüfatının və bütünlüklə qeyri-neft sektorunun gələcək inkişafına güclü zərbə vurmaqla, ölkədə işsizliyin səviyyyəsinin də yüksəlməsinə və bundan doğan bir sıra ciddi nətigələrə gətirib çıxara bilər. Bunların qarşısını almaq üçün hökumət qısa bir müddətdə qərara yenidən baxmalı, bu neft məhsullarının əhali və iqtisadiyyat üçün mühüm əhəmiyyətini nəzərə alaraq onların qiymətlərinin yenidən azaldılmasını təmin etməli, əhalinin ayrı-ayrı qruplarına və istehsalçılara, xüsusilə kənd təsərrüfatı sahəsindəki istelçılara kompensasiya proqramları həyata keçirməlidir.

Müsavat Partiyasının mətbuat xidməti, 09 yanvar 2005-ci il

Musavat Party’s Divan held its regular meeting

Jan 9, 2006 – Musavat Party’s Divan (Assembly) held its regular meeting, which discussed the activity as of 2006. The participants further heard a party statement on price increase for diesel fuel (below is the text of the statement).

Later on, the meeting discussed the issue on court decision related to former Musavat activist Aynur Quliyeva’s appeal in terms of restoration of her violated membership rights. Following discussions with the participation of Aynur Guliyeva, the Assembly passed a decision to charge the Musavat Inspection Commission with the overall investigation into the matter.

A STATEMENT BY THE MUSAVAT PARTY ON INCREASE IN PRICES FOR ENERGY CONSUMED BY THE AZERBAIJAN CITIZENS

The government that has rigged parliamentary elections on Nov 6 in Azerbaijan showed disrespect for its citizens with its inappropriate action issued in early January. Since it doubled retail prices for common consumer commodities – diesel fuel, white oil, and furnace oil. The government claims the decision has been made as a result of guidelines from the international financial institutions and prevention of indirect funding in the energy sector.

The international organizations, by taking into consideration of devastating effects of large indirect funding in the energy sector, have submitted guidelines, which say that prices for fuel may be fixed following structural reforms and increase in transparency of financial flows. The government allegedly solves the problem, through gradually increasing oil products prices, on one hand. It, explaining its measure as a demand from the international organizations, tries to direct public discontent to the latter, on the other hand. In this situation, the government is not interested in holding structural reforms for the welfare of the people and increasing transparency in the energy sector.

In fact, the measure the government introduces as a “reform” is linked with much more serious points: It is clear to the government that prices in all economic spheres will rapidly rise, which will be chiefly reflected in transport fees and agricultural products, thus worsening the social condition of the citizens, 80% of which now live under poverty line anyway. However, the government wants to earn back those additional funds it had promised to different sections of the population in forms of additions to salaries, pensions, living allowances, benefits during the election campaign. And this measure has been a graphic result of the intensified struggle over the past two years toward re-sharing economic activities among oligarchs who own overall political and economic power in the country.

The Musavat Party strongly criticizes the government’s measure aimed at worsening the scale of living of the population, yet Azerbaijan is an oil-rich country and its nationals hope to benefit from the coming flow of oil revenues. We consider that the government needs to launch a reforms strategy in the fuel-energy sector, to submit this program for public comments, and to conduct sound and reasonable reforms. The reforms must be chiefly aimed at increasing transparency in this sector. It's intolerable to allow the reforms to burden the population only. In case of such reforms, target individuals must access compensation payment in advance.

Undoubtedly, the poverty rate in the country will increase due to higher prices resulting from the recent decree. Not only will have a negative impact the very measure by the government on farmers/rural working people, including national agricultural and non-oil sector development in the period ahead, but it will also cause increased unemployment thus bringing to a catalog of serious concerns. To prevent all this, the government should revise the measure shortly, reduce increased prices, given the significance of the mentioned products for the population and domestic economy, and start implementing a compensation program package to be applied to individual groups, in particular to those involved in the agrarian sector.

Baku, 09. Jan. 2006