Növbəti toplantı

Bu gün Müsavat Partiyası Divanının növbəti toplantısı keçirilib. Yığıncaqda öncə qərarların icrasına baxılıb və görülən işlər ətrafında fikir mübadiləsi aparılıb.

Sonra ölkədəki ictimai-siyasi vəziyyət müzakirə edilib və müvafiq qərarlar qəbul olunub. Toplantıda Bakı şəhərində tikinti sahəsində yaranmış vəziyyətlə bağlı geniş fikir mübadiləsi aparılıb. Tikintidə olan bir sıra vacib problemlər, onları törədən səbəblər ətrafında gedən geniş müzakirələrdən sonra bu barədə partiyanın mövqeyini işıqlandıran xüsusi bəyanatın hazırlanması haqqında qərar qəbul olunub.
Daha sonra Dəvəçi rayonunda baş vermiş faciəli hadisə - iki azyaşlı qızın ogurlanması və öldürülməsi ilə bağlı fikir mübadiləsi aparılıb və hüquq-mühafizə orqanlarının bu cinayətin araşdırılması istiqamətində gördüyü işlər yetərli hesab edilməyib. Partiyanın Divanı faciənin törədilməsində günahkar olanların və onların himayədarlarının cəzalandırılmasını tələb edir.

Axırda cari məsələlərə baxılıb.

isagambar.az, Bakı, 2 sentyabr 2007-ci il