Ərdoğan İsa Qəmbərə məktub göndərdi

Xəbər verdiyimiz kimi, Müsavat Partiyasının başqanı İsa Qəmbər bir müddət əvvəl Türkiyə Böyük Millət Məclisinə seçkilərdə qələbə qazanan, hökuməti formalaşdıran Ədalət və İnkişaf Partiyasına və onun rəhbəri Rəcəb Tayyib Ərdoğana təbrik məktubu ünvanlamışdı. Baş nazir Ərdoğan dünən İsa Qəmbərə təşəkkür məktubu göndərib.

Məktubda bildirilir:

“Cümhuriyyətimizin 60-cı, partiyamızın 3-cü hökumətinin qurulmasını alqışladığınız və təbrik etdiyiniz üçün təşəkkür edirəm. Hər kəsin gələcəyə inamla baxdığı, demokratiyanın gücləndiyi yeni bir icraat dönəminin başında, böyük bir sıçramanın önündəyik. Demokratik, sosial hüquq dövləti olan Cümhuriyyətimizi daha da yüksəklərə daşımağın yolu inanıram ki, millət olaraq ortaq dəyər və hədəflər ətrafında birləşməyi bacarmağımızdan keçir”.

Baş nazirin məktubu “Bu yeni dönəmin ölkəmizə və millətimizə xeyirli olmasını diləyir, sizə ən yüksək duyğularımla sevgi və salamlarımı çatdırıram” fikirləri ilə yekunlaşır.

isagambar.az, 12.10.2007