Növbəti toplantı

Bu gün Müsavat Partiyası Divanının növbəti toplantısı keçirilib. Öncə qərarların icra vəziyyəti və görülən işlər müzakirə edilib. Sonra partiyadaxili məsələlərə baxılıb. Səbail və Əzizbəyov rayon təşkilatları sədrlərinin hesabatları dinlənilib və nəzərə alınıb. Toplantıda seçki qanunvericiliyinin təkmilləşdirilməsi ilə bağlı noyabrın 9-da keçirilən müzakirələrdə Müsavat Partiyasının iştirak etməməsi barədə bir daha fikir mübadiləsi aparılıb və partiyanın düzgün mövqe tutduğu bildirilib.

Sonra ölkədəki ictimai-siyasi vəziyyət müzakirə olunub. “Azadlıq” qəzetinin Baş redaktoru Qənimət Zahidin qeyri-qanuni həbsi, son vaxtlar söz və mətbuat azadlığına qarşı təzyiqlərin güclənməsi ətrafında geniş fikir mübadiləsi aparılıb. Bununla bağlı Divan xüsusi bəyanat qəbul edib (bəyanatın mətni əlavə olunur).

Axırda cari məsələlərə baxılıb.

isagambar.az, 11 noyabr 2007-ci il, Bakı