Növbəti toplantı

Bu gün Müsavat Partiyası Divanının növbəti toplantısı keçirilmişdir.

İclasda 2008-ci il üçün dövlət büdcəsinin layihəsi haqda fikir mübadiləsi aparılıb və layihənin parlamentdə müzakirəsi zamanı Müsavat Deputat Qrupunun üzvlərinin çıxışları, səsləndirdikləri təkliflər müsbət qiymətləndirilib və təqdir edilib.

Divan bu məsələ ilə bağlı ayrıca bəyanat qəbul edib və büdcə layihəsinin yekun müzakirəsi zamanı müsavatçı deputatlar tərəfindən səsləndirilmiş qeydlərin nəzərə alınmasının məqsədəuyğun olduğunu bildirib.

İctimai-siyasi məsələnin müzakirəsi zamanı İranda soydaşlarımıza qarşı repressiyalar, o cümlədən, hərəkatçı Məcid Xudayi Həmid oğlunun İran rejiminin həbsxanasında işgəncələrdən ölməsi faktı kəskin şəkildə pislənib, həbslərə, işgəncələrə son qoyulması tələb edilib.
“Dalğa” gənclər təşkilatının son vaxtlar göstərdiyi fəallıq təqdir olunub, onların keçirdikləri dinc aksiyaların polis tərəfindən dağıdılmasının qanunazidd və yolverilməz olduğu bildirilib.

Yığıncağın sonunda bir sıra cari məsələlər baxılıb.

isagambar.az, 19 noyabr 2007-ci il, Bakı