Müsavat Partiyasının 28 yanvar 2007-ci il tarixdə yürüş mitinq keçirməsinə icazə verildi

Xəbər verdiyimiz kimi Müsavat Partiyası 28 yanvar 2007-ci il tarixdə yürüş mitinq keçirməklə bağlı Bakı Şəhər İcra Hakimiyyətinə xəbərdarlıq məktubu göndərmişdi. BŞ İH yürüş-mitinqin keçirilməsinə razılıq verib. Bununla bağlı bu gün Müsavat partiyasına rəsmi məktub göndərilib. Xatırladaq ki, yürüş-mitinq 28 yanvar 2007-ci ildə saat 16-00-dan 18-00-dək keçiriləcək. Həzi Aslanov metro stansiyasından başlayaraq Məhəmməd Hadi küçəsindən keçməklə yürüş, sonda həmin meydanda mitinq olacaq. Enerji daşıyıcılarının və kommunal xərclərin artırılması ilə bağlı qərarın icrasının dayandırılması  mitinqin əsas şüarı olacaq. Müsavat Partiyası əhalinin bütün təbəqələrinə müraciət edərək yürüş-mitinqdə fəal iştirak etməyə, öz talelərinə biganə qalmamağa çağırır

Müsavat Partiyasının mətbuat xidməti, 24 anvar 207-ci il