“Hörmətli Vurğun bəy!
50 illik yubileyinizi təbrik edir, Sizə uzun ömür, can sağlığı arzulayıram.Siz 50 illik ləyaqətli və zəngin ömür yolunuzun bir əsas məqsədi və qayəsi olub: Vətənə, onun müstəqillik idealına, onun vətəndaşnın azadlıqlarına xidmət göstərmək! Ən gənc yaşlarından - ali məktəb illərindən başlayaraq Siz həmin ideal uğrunda yaşamış, mübarizə aparmış və nəhayət, bu mübarizənin başında duran aparıcı şəxsiyyətlərdən biri olmusunuz. Hələ Azərbaycan Xalq Hərəkatı başlamamış yarımleqal fəaliyyət göstərən bir sıra qeyri-formal təşkilatların fəal üzvülərindən olmuş, milli ruhun və milli şüurun formalaşmasında önəmli rolu olan “Çənlibel” təşkilatına sədrlik etmisiniz. Sonradan xalq hərəkatına qoşulmuş, onun aparıcı qüvvəsi olan Azərbaycan Xalq Cəbhəsinin rəhbərlərindən biri kimi ölkəmizin ərazı bütövlüyü, azadlığı və müstəqilliyi uğrunda fədakarlıqla mübarizə aparmısınız. Bu mübarizə yolunda üzləşdiyiniz çətinliklər və təqiblər Sizi qorxutmayıb, tutduğunuz haqq yoldan döndərməyib.
Ölkəmiz müstəqilliyə qovuşduqdan conra, Ə. Elçibəyin prezidentliyi dövründə Siz çox mühüm və strateji bir sahəyə - Tələbə Qəbulu Üzrə Dövlət Komitəsinə uğurla rəhbərlik etmiş, test üsulunun tətbiqində, ali məktəblərə qəbulda qayda-qanun yaradılmasında böyük xidmət göstərmisiniz. Təsadüfi deyil ki, ali məktəblərdə test üsulunun tətbiqi bu gün də Ə. Elçibəy hökumətinin ən böyük uğurlarından biri sayılır.
Sizin siyasi fəaliyyətinizin mühüm bir hissəsi Müsavat Partiyası ilə bağlıdır. Bu partiyanın bərpa bürosunun üzvü kimi onun fəaliyyətinin Vətəndə bərpa edilməsində yaxından iştirk etmisiniz. Sonrakı illərdə partiyanın Divan üzvü, partiya başqanının müavini, birinci müavini kimi Müsavatın təşkilatlanmasında, idarə olunmasında, onun ölkədə ən güclüsiyasi qüvvəyə çevrilməsi istiqamətində yorulmadan çalışmısınız. Bu gün də partiyanin Divan üzvü olaraq fəaliyyətinizi davam etdirirsiniz.
Ömrünüzün mühüm bir hissəsini ictimai-siyasi proseslərə həsr etsəniz də, əsas ixtisasınız olan filologiyanı da unutmamısınız. Namizədlik dissertasiyası müdafiə edərək filologiya elmləri namizədi adını almısınız. Bundan əlavə, biz tez-tez Sizin ədəbiyyatımızın problemləri, dəyərli sənətkarlarımızın yaradıcılığı haqqında yazdığınız dərin məzmunlu məqalələrinizi də həvəslə oxuyuruq.
Hörmətli Vurğun bəy!
Bir daha Sizi yubileyiniz münasibəti ilə təbrik edir, səxsi həyatınızda xoşbəxtlik, ictimai-siyasi fəaliyyətinizdə uğurlar arzulayıram.