Müsavat Partiyası Divanının növbəti yığıncağı  keçirilmişdir

Yığıncaq Xocalı şəhidlərinin  xatirəsinin bir dəqiqəlik sükutla yad edilməsiylə başlamışdır.

Divan Xocalı soyqırımının beynəlxalq aləmdə tanınması üçün Azərbaycan hökumətinin və siyasi partiya olaraq Müsavatın görməli olduqları işlər haqqında fikir mübadiləsi aparılıb. Divan Xocalı soyqırımının iqtidar tərəfindən ölkədaxili siyasi proseslərdə rəqiblərə qarşı süni istifadə cəhdlərini pisləmiş, son günlər bu faciədən söz və mətbuat azadlığına qarşı da istifadə olunmasını yolverilməz hesab etmişdir. İki il əvvəlki bir məqaləni bəhanə edib “Gündəlik Azərbaycan”, “Realnıy Azərbaycan” qəzetlərinə hücum etmək əslində bu qəzetlərin bu gün iqtidarı ifşa edən yazılarını dayandırmaq məqsədi güdür. 
Yığıncaqda martın 18-nə planlaşdırılan bahalaşmaya qarşı etiraz aksiyasına hazırlıq məsələsi də müzakirə edilib.

Müsavat partiyası mitinq komitəsinin sədri Arif Hacılı aksiya ilə bağlı görülmüş və görüləcək işlər haqqında məlumat verib.
Divanda həmçinin bir sıra ölkədaxili və beynəlxalq məsələlər də müzakirə edilib.

Müsavat Partiyasının mətbuat xidməti, 26 fevral 2007-ci il