Müsavat Partiyasının Başqanı İsa Qəmbər Azərbaycan xalqını Müqəddəs Qurban bayramı münasibətilə təbrik edib. Təbrikdə deyilir:

“Əziz həmvətənlər!

Qurban bayramı xalqımız, eləcə də bütün dünya müsəlmanları üçün olduqca əzizdir. Bu müqəddəs bayram insanları haqqa-ədalətə, Allaha daha da yaxınlaşdırır. Mən inanıram ki, belə bir müqəddəs gündə bütün qurbanlar, dualar haqqın dərgahında qəbul olunacaq, hər birimizin xoş niyyətinin həyata keçməsinə kömək göstərəcək. Belə bir əziz gündə dualarımız bütövlükdə xalqımız üçün düşərli, ölkəmizin və millətimizin problemlərinin həllinə yardımçı olacaq.

Əziz həmvətənlər!

Hamınızı və hər birimizi təbrik edir və Tanrıdan Sizə xoşbəxtlik, əmin-amanlıq arzulayıram.

Tanrı Azərbaycanımızı qorusun!”

isagambar.az, 05 dekabr 2008-ci il, Bakı