İsa Qəmbər ATƏT təmsilçisi ilə görüşüb

Bu gün Müsavat Partiyasının Başqanı İsa Qəmbər partiyanın qərargahında ATƏT-in Bakı ofisinin rəhbəri cənab X.L. Herrero ilə görüşüb. Görüşdə Azərbaycandakı ictimai-siyasi durum, demokratiya və insan haqlarının vəziyyəti, eləcə də 15 oktyabr 2008-ci il Prezident seçkisi və Müsavat Partiyasının həmin seçkidə iştirakdan imtina haqqında qərarı ilə bağlı fikir mübadiləsi aparılıb.

Müsavat Partiyasının başqanı İsa Qəmbər bu qərarın verilməsinə gətirib çıxaran səbəblər barədə qonağa ətraflı məlumat verib. Cənab Herrero siyasi partiyaların seçki ilə bağlı qərarlarına hörmətlə yanaşdığını bildirməklə yanaşı ATƏT-in bu mərhələdə mövqeyi və fəaliyyəti barədə fikirlərini açıqlayıb. .

Görüşdə Müsavat Partiyası Mərkəzi İcra Aparatının rəhbəri A. Hacılı da iştirak edib.

isagambar.az, 06 avqust 2008-ci il, Bakı