Müsavatçı gənclər Rusiya səfirliyi önündə saxlanıldı

Bu gün saat 12.00-da Müsavat Partiyası Gənclər Təşkilatının təşəbbüsü ilə Rusiyanın Azərbaycandakı səfirliyinin qarşısında piket keçirilmişdir. Piket iştirakçıları Rusiya qoşunlarının Gürcüstana hərbi müdaxiləsini və bunun nəticəsində bir sıra şəhərlərin və obyektlərin bombalanması və çoxlu sayda dinc əhalinin həlak olmasına etiraz edən şüarlar səsləndirmişlər. Polis piketçilərin hərəkətlərinin qarşısını almağa çalışmış və nəticədə 4 nəfər Müsavat Partiyasının üzvü, 1 nəfər isə ADP fəalı tutularaq polis bölməsinə aparılmışdır. Tutulanlara qarşı polis zorakılıq tətbiq etmişdir. 2 saat polis bölməsində saxlanılan piketçilər sonradan azadlığa buraxılmışlar.

isagambar.az, 11.08.2008, Bakı