Müsavat Partiyasının bəyanatı

Dünən dövlət başçısı növbəti əfv fərmanı imzalayıb. Bu fərmanın imzalanması faktı, eləcə də bir neçə siyasi məhbusun əfv edilməsi müsbət hadisə olsa da, bütövlükdə cəmiyyətin ümidlərini doğrultmayıb. Əfv komissiyasının dövlət başçısına 100 nəfərlik siyahı təqdim etməsinə baxmayaraq, fərmanda yalnız 59 nəfərin adı var. Üstəlik, qeyri-qanuni olaraq həbsdə yatan jurnalistlərin, digər siyasi məhbusların əfv edilməməsi cəmiyyətin və beynəlxalq ictimaiyyətin gözləntilərini növbəti dəfə puça çıxarıb. Hakimiyyət, birinci növbədə isə dövlət başçısının özü ölkədə demokratik ab-havanın yaradılmasına qarşı olduğunu bir daha birmənalı şəkildə nümayiş etdirib.

Müsavat Partiyası bu əfv fərmanını yarımçıq sənəd hesab edir və bildirir ki hakimiyyətin əsas məqsədi gözdən pərdə asmaq, ölkə və beynəlxalq ictimaiyyəti aldatmaqdan başqa bir şey deyil. Biz habelə qeyri-qanunu olaraq həbsə atılmış Eynulla Fətullayevin, Mirzə Sakitin, Qənimət Zahidin, eləcə də digər siyasi məhbusların dərhal azadlığa buraxılmasını tələb edirik.

isagambar.az, 19.03.08, Bakı