Növbəti toplantı

Bu gün Müsavat Partiyası Divanının növbəti toplantısı keçirilib. Gündəlik qərarların icrası, görülən işlər, partiyadaxili və ictimai-siyasi vəziyyətə dair məsələlərdən ibarət olub.

İctimai müzakirələrə və tələblərə rəğmən ordudakı özbaşınalıq və ölüm hallarının azalmaq əvəzinə son günlər daha da artması yenidən geniş müzakirə edilib. Divan bir daha öz narahatçılığını ifadə edərək hakimiyyətdən təcili olaraq bu hallara son qoyulmasını tələb edib.

Milli Məclisdə müzakirə olunan “2009-cu ilin dövlət büdcəsi” layihəsi geniş müzakirə edilib və müzakirələrin nəticəsi olaraq Müsavat Partiyası adından bəyanat qəbul edilib (bəyanatın mətni ayrıca olaraq əlavə edilib).

Axırda bir sıra cari məsələlərə baxılıb.

isagambar.az, 24 noyabr 2008-ci il, Bakı