Növbəti toplantı

Bu gün Müsavat Partiyası Divanının növbəti toplantısı keçirilib. Gündəlik qərarların icrası, görülən işlər, partiyadaxili və ictimai-siyasi vəziyyətə dair məsələlərdən ibarət olub.

Dekabrın 24-də Konstitusiya Məhkəməsinin binası qarşısında keçirilmiş piketdə iştirak etmiş müsavatçı gənc Murad Kərimovun sonradan naməlum şəxslər tərəfindən döyülməsi kəskin şəkildə qınanılıb və hüquq-mühafizə orqanlarından cinayətkarların tapılıb cəzalanadırılması tələb edilib. Divan bu məsələni diqqətdə saxlayacağını qeyd edib və ayrıca bəyanat qəbul edib.

Milli Məclisdə ikinci oxunuşda müzakirəyə çıxarılmış “Təhsil Haqqında Qanun” ətrafında fikir mübadiləsi aparılıb və bu barədə bəyanat qəbul edilib.
2009-cu ilin martın 18-də Konstitusiyaya ediləcək dəyişikliklərlə bağlı keçiriləcək referendum haqqında ilkin fikir mübadiləsi aparılıb. Bu antidemokratik və Azərbaycanın köklü maraqlarına zidd dəyişikliyin qarşısını almaq məqsədi ilə əhalinin fəallaşdırılması və ictimai-siyasi qüvvələrin birgə fəaliyyətinin təşkili ilə bağlı iş planı müzakirə edilib. Divan nəzərdə tutulan dəyişikliklərilə bağlı Müsavat Partiyasının mövqeyinin xalqa çatdırılması üçün İctimai Televiziyadan efir vaxtı istəyib.

Yığıncağın sonunda cari məsələlərə baxılıb.

isagambar.az, 29 dekabr 2008-ci il, Bakı