Ağasif İbrahimovun həbs edilməsi ilə bağlı bəyanat

Avqustun 3-də Müsavat Partiyasının üzvü, «Hədəf» Gənclər koalısiyasının rəhbəri Ağasif Şakiroğlu hərbi xidmətdən yayınmaq bəhanəsi ilə polis tərəfindən saxlanılmış və Nərimanov Rayon Məhkəməsi tərəfindən haqqında 1 ay həbs qəti imkan tədbiri seçilmişdir.

Müsavat Partiyası vətənpərvər bir gənc olan, ölkədə keçiriliən ictimai-siyasi aksiyalarda fəal iştirak edən Ağasif Şakiroğlunun hərbi çağırışdan yayınması, bu səbəbdən də axtarışda olması barədə hüquq-mühafizə orqanlarının yaydığı məlumatı qeyri-ciddi hesab edir, baş verən hadisəni hakimiyyətin siyasi opponentlərinə, xüsusən də gənclərə qarşı son zamanlar vüsət almış repressiya dalğasının növbəti təzahürü kimi qiymətləndirir. Partiya müxtəlif maraqlar naminə qanunlarda süni surətdə yaradılan boşluqlardan müxalifətçilərə qarşı təzyiq vasitəsi kimi istifadə edilməsini xüsusi olaraq qeyd edir, bu halı hüquqi dövlət üçün biabırçı hal sayır.
Müsavat Partiyası baş vermiş hadisəni qətiyyətlə pisləyir, Azərbaycan hakimiyyətindən Ağasif Şakiroğlunun dərhal azadlığa buraxılmasını, haqqındakı cinayət işinə xitam verilməsini və siyasi opponentlərə qarşı repressiyalara son qoyulmasını tələb edir.

isagambar.az, 04 avqust 2009-cu il, Bakı