Növbəti toplantı

Bu gün Müsavat Partiyası Divanının növbəti toplantısı keçirilib. Gündəliyin əsas mövzusu 18 Mart Referendumu ilə bağlı olub. Referendum kampaniyası çərçivəsində “Respublikaçılar” təşviqat qrupunun fəaliyyəti, seçicilərlə görüşlərin yekunları və keçirilmiş radio-televiziya debatları haqqında fikir mübadiləsi aparılıb və bu mərhələ dəyərləndirilib. Bu mərhələdə hakimiyyət tərəfindən yol verilmiş çoxsaylı pozuntular qeyd olunub və Vətəndaş hərəkatının seçicilərə referenduma getməmək haqqında çağırışı bir daha təqdir edilib.

Toplantının ikinci hissəsində “Respublikaçılar” təşviqat qrupunun vəkilləri və səlahiyyətli nümayəndələr də iştirak ediblər. Referendum günü müşahidə işinin təşkili üçün son təlimat və tapşırıqlar verilib.

Toplantının sonunda cari məsələlərə baxılıb.

isagambar.az, 16 mart 2009-cu il, Bakı