BAŞSAĞLIĞI

Rusiyanın tanınmış ictimai-siyasi xadimi və iqtisadçı alimi Yeqor Qaydar qəflətən vəfat edib. Yeqor Qaydar 90-cı illər Rusiya demokratlar nəslinin ən tanınmış nümayəndələrindən biri olub. O, istər demokratik hərəkatda iştirak etdiyi vaxtlarda, istərsə də Rusiya Baş Nazirinin səlahiyyətlərini icra etdiyi dövrlərdə ölkənin demokratikləşməsi, köklü siyasi və iqtisadi islahatların həyata keçirilməsi sahəsində mühüm işlər görüb. O, Rusiya hakimiyyəti dairələrində keçmiş sovet respublikaları ilə bərabər hüquqlu iqtisadı münasibətlərin qurulmasının çox az saylı tərəfdarlarından biri idi.

Biz, bu ağır itki münasibəti ilə Y. Qaydarın ailəsinə, yaxünlarına və Rusiyanın demokratik ictimaiyyətinə dərin hüznlə başsağlığı veririk.

İsa Qəmbər və Müsavat Partiyasının Divanı

isagambar.az, 16 dekabr 2009-cu il, Bakı