Emin Milli və Adnan Hacızadənin apellyasiya şikayəti ilə bağlı bəyanat

İyulun 20-də Azərbaycan Respublikası Apellyasiya Məhkəməsində iki həftə öncə zorakılığa məruz qalaraq həbs edilmiş Emin Milli və Adnan Hacızadənin apellyasiya şikayətinə baxılıb. Apellyasiya Məhkəməsi qapalı keçirilən prosesdə şikayəti təmin etməyib, Səbail məhkəməsinin gənclərin barəsində çıxardığı qanunsuz həbs qərarını qüvvədə saxlayıb.

Apellyasiya məhkəməsinin bu qərarı Azərbaycanda müstəqil məhkəmə sisteminin olmadığını, insan hüquqları durumunun acınacaqlı vəziyyətdə olduğunu bir daha sübut edir. Apellyasiya Məhkəməsinin bu qərarı həmçinin onu göstərir ki, Emin Milli və Adnan Hacızadənin həbs edilməsi Səbail məhkəməsinin səhv qərarı nəticəsində deyil, hakimiyyətin sifarişi ilə həyata keçirilib.

Müsavat Partiyası təkidlə Emin Milli və Adnan Hacızadənin azad edilməsini, onlara qarşı zorakılıq edən şəxslərin qanunun tələbləri çərçivəsində cəzalandırılmasını tələb edir.

isagambar.az, 21 iyul 2009-cu il, Bakı