Müsavat Partiyası Məclisinin q ə r a r ı

Müsavat Partiyasının Məclisi 2009-cu ilin dekabr ayında keçirilməsi nəzərdə tutulan bələdiyyə seçkilərində partiyanın iştirakının məqsədəuyğun hesab edilməsi barədə Müsavat Partiyası Məclisinin 02 may 2009-cu il tarixli qərarını əsas götürərək;

Bələdiyyə seçkilərinə partiya strukturlarının hazırlığı barədə məsələləri müzakirə edərək;

qərara alır:

1. 2009-cu ilin dekabr ayında keçirilməsi nəzərdə tutulan Bələdiyyə seçkilərində partiyanın qəbul etdiyi qərarların həyata keçirilməsi sahəsində partiya strukturlarının səmərəli fəaliyyətini təşkil etmək məqsədi ilə müvafiq tədbirlərin hazırlanıb həyata keçirilməsi Müsavat Partiyası Mərkəzi İcra Aparatına və partiyanın Seçki Departamentinə həvalə edilsin.

2. Müsavat Partiyası Divanına Bələdiyyə seçkiləri zamanı Seçki Məcəlləsindən və digər normativ aktlardan irəli gələn tələblərə uyğun olaraq zəruri qərarların qəbul edilməsi səlahiyyəti verilsin.

3. Bələdiyyə seçkilərində real müxalifət qüvvələrinin geniş siyasi koalisiyasının yaradılması istiqamətində səylər davam etdirilsin.

isagambar.az, 26 sentyabr 2009-cu il, Bakı