ATƏT rəhbəri, səfir A. Bilge Cankorellə görüş

Bu gün Müsavat Partiyasının başqanı İsa Qəmbər partiya qərargahında Avropada Təhlükəsizlik və Əməkdaşlıq Təşkilatının (ATƏT) Bakı ofisinin rəhbəri, səfir A. Bilge Cankorellə görüşüb. Görüşdə ATƏT-lə Azərbaycan arasında olan münasibətlərin canlandırılması, Ermənistan-Azərbaycan münaqişəsinin həlli istiqamətində ATƏT-in Minsk Qrupunun fəaliyyətinin artırılması, Azərbaycanda demokratik və azad cəmiyyətin yaradılmasında ATƏT-in rolu mövzusunda müzakirələr aparılıb.

Söhbət qarşılıqlı anlaşılma şəraitində keçib və tərəflər müzakirələri davam etdirməyi məqsədə uyğun sayıblar.

isagambar.az, 29 may 2009-cu il, Bakı