Növbəti toplantı

Bu gün Müsavat Partiyası Divanının növbəti toplantısı keçirilib. Qərarların icra vəziyyəti və görülən işlərə baxıldıqdan sonra partiyadaxili məsələlər barədə fikir mübadiləsi aparılıb.

Yığıncağın əvvəlində partiyanın başqanı İsa Qəmbər Avropa Birliyinin Cənubi Qafqaz üzrə nümayəndəsi Piter Semnebi ilə görüşü haqqında məlumat verib. Məlumatda görüş zamanı qarşıdan gələn parlament seçkiləri, demokratiya, ölkədəki ictimai-siyasi vəziyyət, siyasi məhbuslar və Azərbaycan – Avropa Birliyi münasibətləri və bir sıra regional məsələlər haqqında fikir mübadiləsi aparıldığı qeyd edilib.

Partiyadaxili məsələ bölümündə Məclisin şənbə günü keçirilmiş yığıncağı haqqında fikir mübadiləsi aparılıb və qəbul edilmiş qərarların icrası yönündə təkliflər qəbul edilib.

Gündəliyin ictimai-siyasi vəziyyətə dair bölümündə Rusiya prezidenti D. Medvedyevin İrəvana və Bakıya səfərlərindən sonra regionda yaranmış situasiya haqqında müzakirələr davam etdirilib və Qarabağ münaqişəsinin həlli kontekstində prosesləri diqqətdə saxlamaq zərurəti bir daha vurğulanıb.

Toplantının sonunda cari məsələlərə baxılıb.

isagambar.az, 06 sentyabr 2010-cu il, Bakı