Brigit Buşe və Ceymi Smitlə görüş

Bu gün Müsavat Partiyasının başqanı İsa Qəmbər partiyanın mərkəzi qərargahında ABŞ-ın Azərbaycandakı səfirinin siyasi məsələlər üzrə müşavirləri xanım Brigit Buşe və Ceymi Smitlə görüşüb. Görüşdə ölkədə seçkiqabağı vəziyyət, demokratiya və insan haqları ilə bağlı məsələlər, o cümlədən siyasi məhbus problemi və həbsdə olan blogerlər haqqında və qarşıdan gələn parlament seçkilərində demokratik qüvvələrin əməkdaşlıq perspektivləri barəsində müzakirə aparılıb.

Görüşdə həmçinin Ermənistan-Azərbaycan konfliktinin həlli və bəzi digər regional problemlər barədə fikir mübadiləsi aparılıb.

isagambar.az, 10 avqust 2010-cu il, Bakı