Növbəti toplantı

Bu gün Müsavat Partiyasının Divanının növbəti toplantısı keçirilib. Qərarların icra vəziyyəti və görülən işlərə baxıldıqdan sonra partiyadaxili məsələlər müzakirə olunub.

Toplantıda kütləvi aksiyalar məsələsi müzakirə olunub. DUİ rəhbərliyi ilə məsləhətləşmələrdən sonra birgə mitinq 03 iyul 2010-cu il tarixinə təyin olunub.

Daha sonra parlament seçkilərinə hazırlığın gedişatı haqqında fikir mübadiləsi aparılıb və dairələr üzrə namizədlərin müəyyənləşdirilməsi işi davam etdirilib.

Milli Məclisdə Seçki Məcəlləsinə edilmiş əlavə və dəyişikliklər barəsində ciddi müzakirələr aparılıb. Hakimiyyətin müxalifətin və beynəlxalq təşkilatların təkliflərinin ziddinə olaraq Seçki Məcəlləsini daha da mürtəceləşdirməsi kəskin şəkildə pislənilib.

İyunun 24-də Milli Azadlıq Hərəkatının lideri Əbülfəz Elçibəyin doğum gününün qeyd edilməsi ilə bağlı qərar qəbul edilib. Qərara görə Müsavat Partiyasının və DUİ-nin nümayəndələri 24 iyunda, saat 9:00-da Əbülfəz Elçibəyin Fəxri Xiyabandakı qəbrini ziyarət edəcəklər və gün ərzində tədbirlər davam etdiriləcək.

Divan Elçibəysevərləri 24 iyun tarixini bayram günü kimi qeyd etməyə çağırıb.

Toplantının sonunda cari məsələlərə baxılıb.

isagambar.az, 21 iyun 2010-cu il, Bakı