Ceyk Consla görüş

Bu gün Müsavat Partiyasının Başqanı İsa Qəmbər partiyanın qərargahında ABŞ-ın Beynəlxalq Respublikaçılar İnstitutunun Bakı ofisinin rəhbəri cənab Ceyk Consla görüşüb. Cənab Cons İsa Qəmbərlə görüşündə bu ilin martın 31-də Beynəlxalq Respublikaçılar İnstitutunun Bakı ofisinin Azərbaycanda fəaliyyətini dayandıracağı haqda məlumat verib.

Müsavat Başqanı Beynəlxalq Respublikaçılar İnstitutunun Bakı ofisinin ölkəmizdə fəaliyyətinin dayandırılmasından təəssüfləndiyini və ABŞ-Azərbaycan əlaqələrinin möhkəmlənməsi, eləcə də demokratiya və azadlıqlarla bağlı problemlərin diqqətdə saxlanılması baxımından beynəlxalq demokratik təşkilatların Bakıda fəaliyyətinin məhdudlaşdırılmasının deyil, genişləndirilməsinin məqsədəuyğun olduğunu bildirmişdir.

Görüşdə iştirak edən tərəflər məsləhətləşmələrin və Müsavat Partiyası ilə BRİ-nin əməkdaşlığının yeni gerçəklikdə davam etdirilməsi istiqamətləri barədə fikirlərini bildiriblər.

isagambar.az, 22 fevral 2010-cu il, Bakı