-
Heyder Eliyevin Şekiye seferini ve oradakı çıxışlarını
izledinizmi? Açıq-aydın görünür ki, bu, seçki kampaniyasıdır.
Qenaetiniz necedir, bu, Heyder Eliyevin özünün tebliğat kampaniyasıdır,
yoxsa oğlunun?
- Men ümumiyyetle, o şoulara baxmıram. Heyder Eliyev ve İlham
Eliyevden başqa o seferlere daimi geden üçüncü bir adam varmı? Çünki
biz bunu müeyyenleşdirmeliyik: Heyder Eliyev namized olaraq bir variantdır,
İlham Eliyev ikinci variantdır, bes üçüncü variant kimdir? Buna diqqet
edin. Kim ki, daim onun yanında oldu, o, üçüncü mümkün namizedlerden
biridir... Zarafat bir yana, bunlar bizi az maraqlandırır. Rayonlara ne
qeder çox gedib-geleceklerse, camaat bir o qeder bizi, demokratik qüvvelerin nümayendelerini,
rehberlerini görmek isteyecek. Ona göre de hesab edin ki, Heyder Eliyevin apardığı
bu kampaniya heqiqi seçki kampaniyasının bir növ psixoloji hazırlığıdır.
Qoy aparsın.
- Sizin fikrinizce, xalqın derdini çekmek xoşbextlikdirmi ve
ümumiyyetle, bu ne demekdir?
- Xalqın derdini çekmek xoşbextlik ola bilmez. Xalqın
derdlerine elac olmaq, problemlerini hell etmek xoşbextlikdir. Bu xoşbextliyi
de biz inşallah, hakimiyyete gelib yaşayacağıq. Eger kimse xalqın
derdini çekmeyi xoşbextlik sayırsa, bu, mazoxizme benzeyir. Bedbextlikden
ferehlenmek, sevinmek mazoxizm kimi bir şeydir.
- Demkonqresin buraxılıb, seçki blokuna çevrilmesi ehtimalı
varmı? Qeyd edek ki, AXCP Reyaset Heyetinin üzvü Şamil Quliyev de
Demkonqresin buraxılmasını teklif edir...
- Demkonqres Meclisinin bu qurumun seçki blokunun yaradılması ve seçkilerde
vahid namizedle iştirak etmesi barede qerarı var. Buna göre de
Demkonqresin buraxılması ve sair kimi söhbetler ümumiyyetle, menasız,
esassızdır. Mene ele gelir her hansı Demkonqrese daxil olan teşkilatın
mövqeyine istinad etmek isteyirsinizse, hemin teşkilatın sedrinin mövqeyine
baxmaq lazımdır. Sedrin mövqeyi bildirilen yerde funksionerlerin mövqeyini
esas götürmek artıq heç de semereli qezetçilik üsulu deyil.
- Mirmahmud Mirelioğlu bildirib ki, AXCP-nin qurultayında
partiyanın prezidentliye namizedi müeyyenleşe biler. Diger terefdense,
deyib ki, Demkonqres seçkilerde vahid namizedle iştirak edecek. Bunu nece izah
edirsiniz?
- Çox sade. Demkonqres Meclisinin qerarı var ki, seçkilerde vahid namizedle iştirak
edeceyik. Hemin qerarda yazılmayıb ki, heç bir partiyanın seçkilerde
namized ireli sürmeye ixtiyarı yoxdur. Söhbet ondan gedir ki, Demkonqresin seçkilerde
iştirakı vahid namizedle olacaq. Ona göre de Mirmahmud ağanın mövqeyi
hemin qerarların mentiqinden ve ruhundan izah oluna biler. Sadece, meselelere
obyektiv yanaşmaq kifayet edir.
- Eger qurultayda AXCP-nin namizedi müeyyenleşerse, bu,
Demkonqresin vahid namizedi ola bilermi?
- Siz prosesleri çox telesdirirsiniz. Her şey normal gedir ve gedecek.
Demokratik qüvveler de bu seçkilerde qalib gelecekler ve ondan sonra Ramazan günlerinde
sizin üzünüz daha çox gülecek. Buna arxayın ola bilersiniz.
- Prezident Aparatı ictimai-siyasi şöbesinin müdiri Eli
Hesenov jurnalistlerle söhbetinde bildirib ki, iqtidar dialoqa hazırdır,
sadece, müxalifet konstruktiv deyil. Sizce, bu sözdür, yoxsa mövqe?
- Biz teklif edirik ki, ölkeni idare ede bilmediklerini etiraf etsinler ve kenara
çekilsinler ki, bu problemlerin hellini bacaran qüvveler hakimiyyete gelsinler. Bu
söz onlara çox ağır gelirse, ölkede azad ve edaletli seçkilerin keçirilmesi
barede müzakire teklif edirik. Bundan konkret, konstruktiv, helim, yumşaq ne
deyilmelidir ki? Çox konstruktiv mövqedeyik ve yaxşı olar ki, bir daha
öz mövqelerine diqqet yetirsinler.
- Eli Kerimli islahatçı Demkonqresi özünün seçki blokuna
çevirdi. Müxtelif partiyaların temsil olunduğu qurumu özünün blokuna
çevirmek politoloji ve siyasi etikaya uyğunluq baxımından ne
derecede düzgün addımdır?
- Mene ele gelir burada bir zorakılıq faktı yoxdur axı. Bütün
meseleler könüllülük esasında baş verir ve bizim de başqa
birliklerin işine qarışmaq xasiyyetimiz olmadığı
üçün men bu mesele ile bağlı her hansı geniş şerh vermek
istemirem. Ancaq metbuatdan gördüklerim esasında deye bilerem ki, sakit,
normal bir proses gedir.
- Heyder Eliyev bir sıra sosial xarakterli vedler vermeye başlayıb.
Müxalifet ise hele BMH, Demkonqres ve diger meselelerle meşğuldur. Müxalifet
bu istiqametde koordinasiyalı fealiyyet gösterirmi?
- Siz BMH, Demkonqres, Yeni Zaman, Xalq Cebhesi qezetleri mühitinden
ayrılın, Şeki camaatının yanına gedin. Şeki
camaatından soruşun ki, o vedlere inanırlar, yoxsa yox? Eger
inananların sayı daha çox olsa, qayıdarsınız söhbeti
davam etdirerik. Men eminem ki, inanmayanların sayı qat-qat çox olacaq ve
sizin de narahatlığınız aradan qalxacaq. Eger Heyder Eliyev dünen
hakimiyyete gelseydi, bu gün vedler verseydi, o zaman bir az inandırıcılığı
olardı. Ancaq bu adam on ile yaxındır hakimiyyetdedir. On il bu
milletin heç bir problemini hell etmeyen adam ne ved ede biler, onların
verdiyi vedler kimi maraqlandırır? Ancaq özlerini, öz media strukturlarını,
onlara lebbeyk deyen adamları maraqlandıra biler. Xalq artıq bu
adamlara inanmır, on ildir bunları sınaqdan keçirib. Xalq deyişiklik
isteyir.
- Bir neçe gün evvel Sabir Rüstemxanlı, Lale Şövket,
İqbal Ağazade, Qüdret Hesenquliyev ve digerleri yığışaraq
bir toplantı keçirdiler ve hemin toplantıda Q.Hesenquliyev müxalifet
partiyalarının ünvanına bir sıra ittihamlar seslendirdi. Buna münasibetiniz
necedir?
- Biz o tedbire devet olunmamışıq. Hemin tedbirde
metbuatdan gördüyüm qeder müxtelif fikirler seslenib. Kifayet qeder ziddiyyetli
mövqeler ortaya qoyulub. Biz o tedbire de, oraya toplaşan qüvvelere de çox
sakit yanaşırıq. Hesab edirik ki, ölkenin problemlerinin helli azad
ve edaletli seçkiler keçirmekden keçir. Ölkede azad, edaletli seçkilerin keçirilmesi
meselesi demokratik düşerge ile Heyder Eliyev hakimiyyeti arasında mübarizede
hell olunur. Bu mübarizede ekser siyasi qüvveler bir araya gelibler ve vahid mövqeden
çıxış edirler. Esas meseleler de bu müstevide hell olunacaq. Ona göre
de bu müsteviden kenarda baş veren hadiseler bizi o derecede ilgilendirmir.
Men herden yalnız ona göre qezetlerde bu meselelere diqqet yetirirem ki, siz
soruşanda oxumamışam sözünü tez-tez demeye mecbur olmayım.
Başqa marağımız yoxdur.
Könül ŞAMİLQIZI