İsa Qember: “Kimse “Yeni Müsavat”la mübarizeye qalxıbsa, yalnız özüne ziyan vurmuş olacaq”

Demokratik Konqresin İdare Heyetinin dünenki toplantısından sonra keçirilen brifinqde qurumun sedri İsa Qember jurnalistleri maraqlandıran sualları cavablandırdı

- Teşkilat Komitesi mitinqin Ramazan ayına düşdüyünü nezere alıbmı? Bu amil iştirakçıların sayına tesir ede bilermi?

- Son vaxtlar texminen iki-üç hefteden bir kütlevi tedbirler keçirilirdi. Bu tedbirlerden birinin, ya ikisinin Ramazan ayına tesadüf etmesi de görünür, qaçılmaz idi. Mence, mitinqçilerin oruc tutan hissesi xalqımızın en dözümlü, sebirli insanlarıdır. Oruc tutmayan hissesi de hemişeki şekilde mitinqde iştirak edecek. Mence, bunun saya her hansı ciddi tesiri olmamalıdır.

- Rusiyanın “Esrin müqavile”sinden çıxmasını, “LUKoyl”un öz payını başqa şirkete satmasını nece deyerlendirirsiniz?

- Bu mesele ciddi araşdırılmalıdır. Çünki Rusiyanın esas neft şirketlerinden biri olan “LUKoyl”un “Esrin müqavilesi”nden çıxması sırf iqtisadi hadise kimi qiymetlendirile bilmez. Ona göre de ekspertlerin, mütexessislerin bu meseleni ciddi araşdırmasına, tehliller aparmasına ehtiyac var.

- Heyder Eliyevin şehere gezintiye çıxmasını son vaxtlar rayonlara etdiyi seferlerin davamı saymaq olarmı? Bu gezintilerle, seferlerle Heyder Eliyev ne qazanmaq isteyir, sizce? Gezinti zamanı ona verilen sualın cavabında metbuata tezyiqlerden xeberinin olmadığını söylemesini nece izah etmek olar? Siz de inanırsınızmı ki, onun “Yeni Müsavat”ın tezyiqlerle üzleşmesinden xeberi yoxdur?

- Eger bu cür gezintilere çıxmağa vaxtı varsa, ya Nardaran kendine gedib camaatla görüşmek, ya da onların ağsaqqallarını qebul edib dinlemek meqsedeuyğun olardı. “Xeberim yoxdur” ifadesi ise meşhur ifadedir. 1993-cü ilde meni hebs edende de o deyirdi ki, bundan xeberim yoxdur. Bu, köhne üsuldur. Qalan meseleler jurnalistlerin araşdırıb yazacağı meselelerdir, bunlar bizi çox ilgilendirmez.

- Metbuata, konkret olaraq “Yeni Müsavat”a qarşı tezyiq kampaniyasının arxasında İlham Eliyevin dayandığı barede melumatlar artmaqdadır. Son zamanlar müxalifete qarşı da keskin, bezen tehqiramiz çıxışların da İlham Eliyevin dilinden seslendirilmesine üstünlük verirler. Sizce, niye onu metbuatla ve müxalifetle müharibeye sürükleyirler?

- Bu, sehv addımdır. Siyasetçi media ile mübarize aparmamalıdır. Siyasetçi xüsusen de medianın önde geden bir qezeti ile yarışa çıxırsa, mübarize aparırsa, bu yarışda uduzacaq. Mövqeyinden, yönümünden asılı olmayaraq, bu yarışda siyasetçi üçün qelebe yoxdur. Media ile mübarize aparmağın heç bir baxımdan menası yoxdur. Hem demokratiya, söz, metbuat azadlığı kimi fundamental meseleler baxımından, hem de siyasetçinin öz maraqları baxımından bu, menasızdır. Kimse “Yeni Müsavat” qezeti ile mübarizeye qalxıbsa, ancaq özüne ziyan vurmuş olacaq.

- Rusiyalı deputat Loqinov hakim ailenin bir nefer üzvünün narkobiznesle meşğul olduğunu bildirib. Bir müxalifet lideri olaraq buna münasibetiniz necedir?

- Men de sizin kimi bu fikirle metbuatdan tanışam ve onun ne derecede ciddi esaslandırılıb-esaslandırılmadığı barede mende melumat yoxdur. Ona göre de birmenalı mövqe bildire bilmerem. Ancaq bu, Rusiyanın müeyyen dairelerinin Azerbaycana münasibetindeki yeni çalarların növbeti tezahürü kimi de qiymetlendirile biler. Hemin şexsin fikirlerini ne ile esaslandırdığı da araşdırılmalıdır, bu fikirlerin arxasında ne dayandığı da...

- Müxalifet 2003-cü ilde Rusiyada yaşayan milyonlarla soydaşımızın prezident seçkilerinde iştirakının forması barede düşünürmü, bu barede hansısa tedbir görülecekmi, yoxsa indiki veziyyetle barışacaqsınız?

- Biz diaspora ile mümkün qeder geniş elaqelerimizin olmasına çalışırıq. Konkret olaraq Rusiyada yaşayan soydaşlarımızla da elaqe saxlamağa çalışırıq. Meselenin helli ele de sade deyil. Çünki milyonlarla insandan söhbet gedir.
Ne birmenalı şekilde onların hamısının ölkeye qayıdıb burada sesvermede iştirak etmesini düşünmek real görünmür - baxmayaraq ki, bu istiqametde dövlet seviyyesinde seyler gösterilmelidir. Ne de onların yaşadığı bütün erazilerde seçki menteqeleri yaradıb sesvermelerini temin etmek sade mesele deyil. Ancaq bizim her iki istiqametde müeyyen tekliflerimiz olacaq ve hetta tekliflerden asılı olmayaraq, Rusiyada yaşayan Azerbaycan vetendaşlarının ölkemizdeki prezident seçkilerinde mümkün qeder daha feal iştirakını temin etmeye çalışacağıq. Bu barede düşünürük.

- Prezidentliye namized kimi siz Azerbaycanın herbi sisteminde islahatlara ehtiyac duyursunuzmu? Könüllü ordu ve çağırış prinsipi ile bağlı qenaetleriniz necedir?

- Müasir tarix sübut edib ki, professional ordu daha üstün keyfiyyetlere malikdir, neinki çağırışa esaslanan ordu. Bu, heddinden artıq böyük vesait teleb edir. Meselen, Amerika kimi böyük, güclü, qüdretli dövletlerin herbi xerclerinin çox mühüm hissesi esger ve zabit heyetinin maaşlarına gedir. Eyni zamanda islahat özü de müeyyen vaxt teleb edir. Biz prinsip etibarile professional ordunun üstünlüyünü qebul edirik, amma bu, o demek deyil ki, hakimiyyete gelen günün sabahı, qısa müddetde professional orduya keçmeye cehd edeceyik. Biz bunu hedef kimi götüreceyik, bu hedefe neçe ile çatılması da müeyyen proqramlarla müeyyenleşir. Bu istiqametde fealiyyet gösterilecek, islahatlar aparılacaq, ancaq ne müddete tamamlanacağını indiden söylemek düzgün olmazdı.

Könül ŞAMİLQIZI