Demokratik Konqres hesab edir ki, Azerbaycan NATO-ya üzvlük meselesinde Ermenistanla münasibetlerinden asılı veziyyete düşecek

Noyabrın 25-dé Demokratik Konqresin İdare Heyetinin növbeti iclası keçirildi. Toplantıda müzakire edilen meselelerle bağlı media nümayendelerini Demkonqres sedri İsa Qember melumatlandırdı.

Onun sözlerine göre, iclasda ilk növbede 24 noyabr mitinqinin neticeleri müzakire edilib. Demkonqres rehberliyi Azerbaycan siyasi qüvvelerinin birge keçirdiyi bu aksiyanın da yüksek seviyyeli olduğunu qeyd edib, tedbirde kemiyyet ve keyfiyyet artımının mövcudluğunu vurğulayıb. Mitinqçilerin ümumi ehval-ruhiyyesinin yüksekliyini ve aksiyada partiyasız vetendaşlarımızın sayının artdığını xüsusi qeyd eden Demkonqres sedri hakimiyyetin de öz enenesine sadiq qaldığını söyledi: “Yene de mitinqi engellmek üçün addımlar atıldı. Sumqayıtda, diger bölgelerde mitinqe gelmek isteyen insanların qarşısı alınıb, onlar müeyyen vaxt erzinde tecrid olunublar. Yürüşün marşrutunda problem yarandı, insanların meydana daxil olmaması üçün hüquq-mühafize orqanları ellerinden geleni etdiler. Ancaq mitinqçilerin sebrli ve ezmli davranışı neticesinde aksiya tam şekilde baş tutdu.”

İsa Qember dedi ki, Demkonqres mitinqde de beyan olunmuş şüarlar istiqametinde diger siyasi qüvvelerle birge bu mübarizeni davam etdirmek niyyetindedir.
NATO-nun Praqada keçirilen sammiti ile bağlı da geniş fikir mübadilesi apardıqlarını bildiren Demkonqres sedri bunun tarixi hadise olduğunu söyledi: “Faktiki olaraq Varşava Müqavilesi ölkelerinin NATO-ya keçmesi prosesi esasen başa çatdı ve keçmiş SSRİ-nin bir hissesi olan Baltik ölkeleri NATO-ya devet olundular. Bu, çox mühüm, tarixi hadisedir ve biz hem NATO ölkelerini, hem de teşkilata devet almış 7 ölkeni - Litva, Latviya, Estoniya, Bolqarıstan, Rumıniya, Sloveniya ve Slovakiya xalqlarını tebrik edirik.”

İsa bey Azerbaycan rehberliyinin daha bir şansı elden buraxmasını da teessüfle qeyd etdi: “Keçen tedbirimizde biz teklif etmişdik ki, hakimiyyet daireleri Praqa sammitinde Azerbaycanın NATO-ya daxil olmaq isteyini resmi suretde beyan etsinler. Teessüf ki, bunu etmediler. İndi bunu bele şerh edirler ki, proses yavaş-yavaş gedir, Azerbaycan Sülh Namine Terefdaşlıq Proqramının iştirakçısıdır, NATO ölkeleri ile yaxşı elaqeler var ve emekdaşlıq prosesi davam edir, Azerbaycan NATO Parlament Assambleyasının assosiativ üzvü seçilib ve sair. Bütün bunları heç kim inkar etmek niyyetinde deyil. Ancaq teessüf ki, meselenin mahiyyetini unudurlar.”
Azerbaycanın elverişsiz şeraite düşdüyünü vurğulayan Müsavat başqanı Qafqazda Azerbaycanla Gürcüstanın veziyyetinin texminen eyni olduğunu, Ermenistanın ise ferqlendiyini vurğuladı: “Gürcüstan ve Azerbaycan Avroatlantik mekana inteqrasiya olunmaq isteyir, her iki dövlet xarici dövletlerin herbi bazalarından xilas olunublar, ya da olmaq niyyetindedirler. Ermenistan ise faktiki olaraq asılı veziyyetde olan dövletdir, tam müsteqil siyaset yeritmir, hansısa xarici dövletin aletine çevrilib ve eyni zamanda öz erazisinde xarici dövletlerin herbi bazalarını saxlamaqda davam edir ve bunda israrlıdır. Ancaq Azerbaycan rehberliyinin apardığı yarıtmaz xarici siyaset neticesinde bu prosesde Azerbaycanla Ermenistan qoşalaşıblar, Gürcüstan ayrı gedir. Yadınızdadırsa, Avropa Şurasına qebul zamanı da bele oldu, Gürcüstanı qebul etdiler, üstünden ne qeder keçenden sonra Azerbaycanın qebulu meselesine Ermenistanla yanaşı baxıldı ve bu da xeyli problemler yaratdı. İndi de buna benzer proses gede biler. Gürcüstan artıq resmi müraciet edib, qabağa düşüb. Ermenistanın indi NATO-ya qoşulmaq fikri yoxdur, ancaq onun da müeyyen emekdaşlıq formalarından istifade etmesi istisna olunmur. Azerbaycanın Gürcüstanla birge bu prosese qatılmaması ölkemizin Ermenistanla bir sırada NATO ile elaqelerinin qurulmasına getirib çıxaracaq. Yene de Azerbaycan Avroatlantik mekana inteqrasiya meselesinde Ermenistanla münasibetlerinden asılı veziyyete düşecek. Bütün bunlar xoşagelen mesele deyil ve bu da Azerbaycan rehberliyinin uzağı görmeyen xarici siyaset kursunun, eslinde bu kursun olmamasının neticesidir.”

Demkonqres sedrinin fikrince, bu meseleye xüsusi diqqet yetirilmelidir ve Azerbaycan öz taleyine sahib çıxmalıdır, müasir dünya tehlükesizlik sisteminde öz yerini müeyyenleşdirmelidir.

Xeber verdiyimiz kimi, iki gün evvel İqbal Ağazadenin rehberlik etdiyi Vetendaş Birliyi Partiyası eyni ada iki teşkilatın iddia etmesiyle bağlı yaranan problemlerden birini aradan qaldırıb. Partiyanın keçirdiyi ümumrespublika müşaviresinde Ümid Partiyası ile birleşmek barede qerar qebul edilib ve İ.Ağazade bu partiyanın Qurultaya Hazırlıq üzre Teşkilat Komitesinin sedri seçilib.

İ.Ağazadenin rehberlik etdiyi teşkilatın VBP adından imtina etmesi siyasi qüvveler terefinden müsbet qarşılanıb. Demokratik Konqresin İdare Heyetinin dünenki toplantısında da bu mesele müzakire mövzusu olub. Qerarı teqdir etdiklerini deyen İsa Qemberin fikrince, bu, siyasi meydanda müeyyenliye xidmet eden bir qerar olacaq ve siyasi partiyalar arasındakı münasibetlere, emekdaşlıq imkanlarına müsbet tesir edecek: “Mene ele gelir ki, müeyyen qüvveler de bu tipli qerarlardan nümune götürmelidirler. Her kes başa düşmelidir ki, hamımızın qiymetimiz tutduğumuz yolla, mövqeyimiz, meramlarımız, meqsedlerimizle bağlıdır. Ad meselesi heç de helledici deyil ve bu meseleden yapışmağın böyük bir menası da yoxdur.”

Qeyd edek ki, Ümid Partiyasının gelen ay keçirilecek qurultayından sonra Demokratik Konqrese üzv olmaq üçün müraciet edeceyi ile bağlı melumatlar var. Bele bir müraciete Demkonqres rehberliyinin münasibeti nece olacaq? İ.Qembere ünvanladığımız bu sualın cavabı bele oldu: “Ümid Partiyasının Demkonqrese qoşulacağı ile bağlı bizde her hansı bilgi yoxdur. Bele bir müraciet olmadığı üçün bele bir mesele de müzakire olunmayıb. Ona göre de bize melum olmayan bir mesele barede bir söz deye bilmeyeceyem.”

Könül ŞAMİLQIZI