Böhtanlara cavab verildi

MDİ nümayendesi vé mixalifét temsilçileri “Azerbaycan” qezetinde yazılanlara münasibet bildirdi

Bu, absurd ve gülünc ittihamdır

Milli Meclisin orqanı olan “Azerbaycan” qezetinin müxalifetin ünvanına yağdırdığı ardıcıl iftiralar barede defelerle melumat vermişik. Döne-döne qeyd etmişik ki, Azerbaycanın adını daşıyan bu qezetin Eliyev rejimi zamanındakı fealiyyeti ancaq ve ancaq dövletimize ziyan vurmaqdan, onun imicine xelel getirmekden ibaret olub.. Qezetin üç gün önce çapdan çıxan sayında derc edilen “İctimai reyde yuyulan çirkli pullar” başlıqlı yazı buna bariz misaldır. Qezetimizin dünenki sayında xeber verdiyimiz kimi, bu yazıda hakimiyyet qezeti Azerbaycan müxalifeti ile yanaşı, Amerikaya, bütün dünyada meşhur olan Milli Demokratiya İnstitutuna da böhtan atıb. Bu böhtan ondan ibaretdir ki, guya ABŞ MDİ vasitesile 24 avqust referendumunda müxalifete 1 milyon dollar ayırıb ve prezident seçkilerinde daha 10 milyon dollar ayırmağı nezerde tutub...

Müsavat başqanının müavini Arif Hacılının sözlerine göre, ister Azerbaycan, isterse de ABŞ qanunlarına göre qeyd olunan bu meseleler cinayet terkibi yaradan hereketlerdir. Faktiki olaraq Azerbaycan hakimiyyet dairelerinin ABŞ-a ve ABŞ Konqresi terefinden büdcesi yaranan bir teşkilata böhtan atdığını deyen Arif beyin fikrince, MDİ bu meseleye resmi münasibet bildirmelidir. Müsavat yetkilisi hesab edir ki, Azerbaycan hakimiyyeti bu cür mövqe tutmaqla ABŞ-da onun korrupsiyada iştirakı ile bağlı başlanan mehkeme proseslerine münasibet bildirir: “Bir sıra metbuat orqanları hakimiyyetin sifarişiyle anti-Amerika tebliğatı aparmaqla meşğuldur ki, bu da Azerbaycanın milli tehlükesizliyini tehdid eden bir prosesdir. Hakimiyyet daireleri bundan netice çıxarmalıdırlar.”

A.Hacılının qenaetince, hakimiyyetin bu kampaniyasına bir sebeb de İlham Eliyevin ABŞ-a seferinden sonra yaranan reydir: “Bu seferden sonra bunlar başa düşdüler ki, ABŞ-ın heç de avtoritar rejimin davam etmesine yardım etmek, seçicilerin iradesine zidd olan hakimiyyet strukturlarının yeniden formalaşmasına dözümlü yanaşmaq niyyeti yoxdur. Onlar narahatdırlar ki, ABŞ azad ve edaletli seçkilerin keçirilmesi işinde Azerbaycan cemiyyetine yardım göstere biler. Maliyye ile bağlı böhtanlar da bu meseleleri ört-basdır etmek xarakteri daşıyır.”

Referenduma bir milyon dollar ayrılması haqqında deyilenleri gülünc adlandıran Arif beyin sözlerine göre, müxalifet bütövlükde bu prosese en çoxu 2-3 min dollar vesait xercleyib: “Seçkilerde de müxalifete ABŞ terefinden pul verileceyinin deyilmesi bir terefden yalan ve böhtandır. Diger terefden, bu, ABŞ hakimiyyet dairelerinin Azerbaycan hakimiyyetinin getmesinde, hetta Seddam Hüseyn rejimini devirmek qeder maraqlı olduğunu tesdiq eden bir etirafdır.”
Bu melumatları hakimiyyetin müxalifete növbeti böhtanı kimi deyerlendiren ADP ideologiya katibi Aydın Quliyevin fikrince, rejim bele rey yaratmaq isteyir ki, guya Qerb özünün ayırdığı pulun taleyini düşünerek, müxalifeti müdafie edir: “Azerbaycan müxalifeti xaricden heç bir maliyye yardımı almır. Ancaq bu heqiqetdir ki, Qerb dövletleri Azerbaycanda demokratiyanı ve demokratiyanın terefdarı kimi Azerbaycan müxalifetini destekleyir. Eger sabah demokratik prinsiplerin heyata keçirilmesinde iqtidarda olanlar müxalifeti üsteleseler, men şübhe etmirem ki, Qerb iqtidara destek verecek. Onlar siyasi qüvvelere demokratik deyerlere sedaqetine göre qiymet verirler.” Maliyye ayrılması meselesinin tamamile böhtan olduğunu söyleyen A.Quliyevin reyine göre, hakimiyyet son vaxtlar öz eleyhine beynelxalq miqyasda baş qaldırmış maliyye qalmaqallarından diqqet yayındırmaq üçün bele bir böhtana el atır. Bununla bele, Aydın bey düşünür ki, bu böhtanların neticesi olmayacaq: “Hakimiyyetin şantajları Qerbin Azerbaycandakı siyasi qüvvelere münasibetinde radikal deyişiklik yaratmayacaq.”

MDİ Bakı ofisinin siyasi meseleler üzre müşaviri Qorxmaz Esgerov da hem ABŞ, hem de Azerbaycan qanunvericiliyine göre bu ittihamın esassız olduğunu bildirdi: “Amerika federal qanunvericiliyine göre, ABŞ-ın dövlet büdcesinden ve dövlet teşkilatlarından maliyyeleşdirilen heç bir QHT, o cümleden MDİ xaricde heç bir Siyasi partiyanı maliyyeleşdire bilmez. İkinci bir qadağa ise Azerbaycanda mövcud olan ”Siyasi partiyalar haqqında" qanunla müeyyenleşir. Bu qanunda da gösterilib ki, Azerbaycanda fealiyyet gösteren siyasi partiyalar xarici qurumlar terefinden maliyyeleşe bilmez. Bize ünvanlanan ittihamda söylenilenleri heyata keçirmek üçün MDİ iki dövletin qanununu pozmalıdır. Ona göre de bu ittihamı yersiz adlandırmaq az olar, bu, tamamile ağ yalandır."

“Yalan danışma, danışanda da ele danış ki, inansınlar” prinsipini xatırladan Q.Esgerov qeyd etdi ki, 10 milyon dollar MDİ-nin bütün Avrasiya ölkelerindeki ofislerinin büdcesinin cemidir: “Bele çıxır ki, bu miqdarda vesaiti tek Azerbaycana xercleyecekler? Bu, heç bir endazeye sığmayan böhtandır”. Vaxtaşırı müxtelif qezetlerde bele melumatların yayıldığını söyleyen müşavir bildirdi ki, MDİ metbuat azadlığına manee yaradan mehkeme üsulundan istifade etmek istemir: “Halbuki bu melumatı yayan istenilen qezeti mehkemeye versek, böhtan sübut olunacaq. Bunlar bizi cinayetde suçlayırlar. İndiki durumda bizim bunları mehkemeye vermeyimiz metbuata daha bir tezyiq mexanizmi kimi deyerlendirile biler. Bu sebebden qerara gelmişik ki, hele temkinli münasibet gösterek. Bu teşkilat burada Azerbaycan dövletinin resmi deveti esasında fealiyyet gösterir ve dövlet bu teşkilatın kömeyini istedikce burada qalıb fealiyyet gösterecek. Ona göre de biz reaksiya verib, qıcıq yaratmaq istemirik.”

Qeyd etdiyimiz kimi, hakimiyyetle yanaşı bezi müxalifet temsilçileri de MDİ-ni Azerbaycan müxalifetini hakimiyyet çevrilişine tehrik etmekde, ölkede fealiyyet gösteren 4 partiya ile birge hansısa planlar hazırlamaqda ittiham edirler. Teşkilatın temsilçisi, yeri gelmişken, qeyd etdi ki, MDİ-nin Azerbaycanda gösterdiyi fealiyyet standart fealiyyetdir ve bütün postsovet ölkelerinde eyni proqram esasında heyata keçirilir: “Bizde bu fealiyyetle bağlı bele söz-söhbetlerin yaranmasının bir sebebi var. Azerbaycanda demokratiya ile meşğul olan iki beynelxalq teşkilat - MDİ ve Respublikaçılar İnstitutu fealiyyet gösterir. İkincinin fealiyyeti hazırda zeif olduğundan MDİ daha çox diqqet merkezindedir. Siyasi mühitde qütbleşmiş tereflerin bir-birini müxtelif sebeblerle ittiham etdiyi bir mühitde MDİ-nin ortada olması onu bu cür hücumlara meruz qoyur.”

Dörd partiya ile emekdaşlıq meselesine gelince, Q.Esgerovun sözlerinden bele melum oldu ki, Azerbaycanda qeydiyyatdan keçmiş 42 siyasi partiyanın hamısı ile emekdaşlıq etmek MDİ-nin borcu deyil: “Biz emekdaşlıq etmek üçün cemiyyetde obyektiv resursları olan, işlek yerli strukturlara malik nüfuzlu partiyaları seçirik. Bunun da neticesinde hakimiyyete yaxın daireler narahat olurlar ki, müxalifet birleşir, amma nezere almırlar ki, MDİ inteqrasiya ile meşğul deyil. Bu meseleden bezi kiçik partiyalar da narahat olmağa başlayır ve MDİ-ye hücumu heyatlarının son meqsedine çevirirler.”

Könül ŞAMİLQIZI