“Monitor” jurnalı yeniden çapını dayandırdı

Elmar Hüseynova teklif olunub ki, Azerbaycandan getsin

“Monitor” jurnalı yeniden çapını dayandırdı. Bu haqda jurnalın baş redaktoru Elmar Hüseynov oktyabrın 31-dé keçirdiyi metbuat konfransında melumat verdi. O dedi ki, jurnalın derc edildiyi 7 ay erzinde ona çoxlu tezyiqler olub. “Monitor”un ilk nömresi “Ekspress” metbeesinde çap edilib.
Amma bundan sonra hemin metbeeye jurnalı çap etmemek barede gösteriş verilib. Ona göre E.Hüseynov jurnalın çap olunduğu metbeenin adını gizli saxlamağa mecbur olub: “Eslinde bu mini-metbee idi. Burada jurnalı kseroks üsulu ile çap edirdik. Cihazın imkanlarına uyğun olaraq 4 min nüsxe çıxara bilirdik. Tirajın hamısı da satılırdı. Hele elave telebat da vardı. Teessüf ki, artıq çıxara bilmirdik.”.

Elmar Hüseynov indiye kimi bir neçe metbu orqanı tesis etdiyini, amma onların hamısının (“Bakinskiye vedomosti”, “Bakinskiy bulvar”, “Monitor-weekly”) polis ve vergi orqanlarının müdaxilesi ile bağlandığını dedi: “Hemin vaxt bu, çox hay-küylü bir proses olurdu. İndi ise sakit işleyibler. Gizli saxladığımız metbeeni tapıblar ve ona ”Monitor"u çap etmeyi qeti şekilde qadağan edibler." Odur ki, redaktor “Monitor”un neşrini müveqqeti dayandırmaq qerarına gelib: “Bu müveqqeti müddet 1 ay, 2 ay olacaq, bilmirem. Her halda, işimizi davam etdirmek üçün yollar axtarırıq. Fikrimiz var ki, poliqrafik baza yaratmaq üçün bir neçe beynelxalq teşkilatlara müraciet edek. Eyni zamanda ”Monitor"un oxucularına da müraciet edib bu çetin meqamda bize destek vermelerini xahiş edeceyik."

Redaktor jurnalı xaricde çap etmeyin de mümkün olduğunu dedi. Amma E.Hüseynov hemin nüsxeleri gömrükden keçire bilmeyeceklerine emindir. Eyni zamanda jurnalın İnternet variantını hazırlamağın da uğurlu ideya olmadığını düşünür: “Çünki bir defe kimse ”Virtual Monitor" adlı sayt yaratmışdı. Bu adamların bize qetiyyen dexli yox idi. Azerbaycan hökumeti bütün mümkün vasitelerden istifade ederek hemin saytı bağlatdı. Bele ki, Azerbaycandan heç kim hemin sehifeye girib onu oxuya bilmir. Bele aqibet yeqin ki, bizi de gözleyecek. Eger yazılarımızı Azerbaycanda oxuya bilmeyeceklerse, onda bunu etmeyin menası yoxdur."

O dedi ki, Azerbaycan iqtidarının yalnız bir meqsedi var: bu tezyiqlerle onu ve kollektiv üzvlerini müflisleşdirib onları ölkeden çıxıb getmeye mecbur etsinler. Hebs edilmezden yarım saat evvel bu haqda ona teklif de olub: “Hakimiyyete yaxın adamlardan biri açıq şekilde xarice getmeyimi teklif etdi. Dedi ki, koridor açıqdır, gede bilersen. Amma onda da imtina etdim. Bu, heç vaxt olmayacaq. Bütün mümkün vasitelerle mübarize aparacağam.” Eger “Monitor”çulara başqa qezetlerin sehifelerinde çıxış etmek teklif olunarsa, bu variantdan imtina etmeyeceyini dedi: “Amma inanmıram ki, baş tutsun. Bu teklif yalnız 2-3 qezetden gele biler. Onda da hemin eksperiment kampaniya xarakteri daşımayacaq.”

E.Hüseynov “Monitor”a edilen tezyiqlerle bağlı indiye kimi Prezident Aparatına 180-den çox mektubun gönderildiyini dedi: ”Düzdür, beynelxalq qurumlar bize destek gösterirler. Amma maliyye yardımı göstere bilmirler. Çünki qrant veren teşkilatlar Azerbaycan hökumeti ile problemler yaratmaq istemirler." E.Hüseynov dedi ki, başlarına gelen bütün belalar Heyder Eliyev baresinde yazdıqları meqalelere göredir: “Beli, menim yazılarım antidövletçilik mövqeli yazılardır. Çünki Azerbaycanda dövlet yoxdur. Dövlet Heyder Eliyevin özüdür. Bu ölkede yalnız bir insanın maraqları işleyir. O da gedenden sonra Azerbaycanda yeniden dövlet qurmaq lazım gelecek.”

Xatırladaq ki, vaxtile “Bakinskiy bulvar” qezetini mehkemeye veren güc strukturlarından biri de Müdafie Nazirliyi idi. Bu nazirliyin iddiasına esasen qezet 50 milyon manat mebleğinde cerime olunmuşdu. Elmar Hüseynovun dedi ki, 3 gün evvel mesele ile bağlı Apellyasiya Mehkemesi onların şikayetine baxaraq cerimeni 50 miylondan 10 milyona endirib: “İndi daha yüksek instansiyaya müraciet edeceyik. İnşallah, 10 milyonu 10 min manata endirerler. Biz de bir dene ”Sim-Sim" kartı alıb vererik nazirliye."

F.SABİRQIZI